უკან ფლუმინენსეში? - ტიაგო სილვას მშობლიური კლუბი ეპატიჟება
როგორც მოგეხსენებათ, მიმდინარე სეზონის დასრულების შემდეგ, ტიაგო სილვა ლონდონის „ჩელსიდან“ მიდის. ვეტერან უკანახაზელს კონტრაქტი ეწურება და გახანგრძლივებას არ აპირებს.
მის მომავალთან დაკავშირებით, გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო ახალ ინფორმაციას ავრცელებს.
ვიგებთ, რომ ტიაგოს უკან დაბრუნებით მისი ყოფილი გუნდი „ფლუმინენსე“ ინტერესდება. ბრაზილიურმა მხარემ მას ოფიციალური შეთავაზება გაუკეთა.
როგორც ირკვევა, კონტრაქტი უკვე მზად არის და ჯერი ახლა თავად ფეხბურთელზეა. რომანოს ინფორმაციით, სილვას ევროპიდანაც აქვს შემოთავაზება და სულ მალე მიიღებს გადაწყვეტილებას.
???????????? Fluminense have presented their formal proposal to bring Thiago Silva back to Brazil.
— Fabrizio Romano (@FabrizioRomano) May 1, 2024
The contract is almost ready, Thiago will take his time to decide between Europe and Brazil with several options on the table.
????✨ In any case, Thiago’s kids will stay at Chelsea. pic.twitter.com/tPN2UGEC6H
ცნობისთვის, 39 წლის ცენტრალური მცველი სწორედ „ფლუმინენსეს“ აღზრდილი გახლავთ, სადაც 1998-2000 წლებში თამაშობდა. ამის შემდეგ, არაერთ გუნდში ითამაშა და უკან 2006 წელს დაბრუნდა.
რაც შეეხება მის ლონდონურ კარიერას, „არისტოკრატების“ რიგებს 2020 წელს შეუერთდა. დღემდე „ჩელსის“ მაისური ყველა ტურნირზე ერთად 151-ჯერ მოირგო, 9 გოლი გაიტანა და 3 საგოლე გადაცემა შეასრულა.
