ტურის ოცნების გუნდში | შენგელიას აღიარება იტალიაში
იტალიის საკალათბურთო ჩემპიონატის, Lega A-ს 29-ე ტურში, „ვირტუს ბოლონია“ „ტორტონას“ დაუპირისპირდა. თორნიკე შენგელიას გუნდმა 84:77 იმარჯვა და ქართველი მძიმე ფორვარდი ორივე გუნდის რიგებში საუკეთესო იყო, რაც შეუმჩნეველი არ დარჩენილა.
29-ე ტურის დასრულების შემდეგ, გულშემატკივრებმა ოცნების გუნდი აირჩიეს და შენგელია სიმბოლურ ნაკრებში მოხვდა. თოკოს გარდა, ქომაგებმა პეიტონ უილისი, ანდრეა ჩინკარინი, ნიკოლო მელი და შეივონ შილდსი გამოარჩიეს.
Il ???? DREAM TEAM UMANA ???? della 29^ giornata, scelto da voi tramite votazione sull'app di LBA!
— Lega Basket Serie A (@LegaBasketA) April 30, 2024
Cinciarini - Willis - Shields - Shengelia - Melli ????#TuttoUnAltroSport pic.twitter.com/SoN7i8CPbH
ცნობისთვის, შენგელიამ „ტორტონასთან“ პარკეტზე 26 წუთი გაატარა და შეხვედრა 15 ქულით, 6 მოხსნით, 2 შედეგიანი გადაცემითა და 1 ჩაჭრით დაასრულა. თორნიკემ 6-დან 4 ორქულიანი და 8-დან 7 საჯარიმო სროლა გამოიყენა. პერიმეტრიდან ორივეჯერ უშედეგოდ შეუტია, მის პასივში კი ერთი დაკარგვა და სამი ჯარიმა იყო.
ცნობისთვის, 21 მოგებითა და 8 წაგებით „ვირტუს ბოლონია“ იტალიის ჩემპიონატის სატურნირო ცხრილს ლიდერობს. ზუსტად ამდენივე მოგება და წაგება აქვს „ოლიმპია მილანოს“, თუმცა ბოლონიელები მეტოქეზე წინ ქულების უკეთესი შეფარდებით არიან.
