“ჯერ არაფერი დასრულებულა“ - დეკლან რაისი იმედს არ კარგავს
პრემიერ ლიგის მორიგ ტურში ლონდონის „არსენალმა“ მნიშვნელოვანი ქულები დაკარგა. „მეთოფეებმა“ „ასტონ ვილას“ უმასპინძლეს, 0:2 წააგეს და სატურნირო ცხრილში ლიდერობა დაკარგეს.
მატჩის დასრულების შემდეგ, დეკლან რაისმა ჟურნალისტებთან ისაუბრა და განაცხადა, რომ ჯერ არაფერი დასრულა.
რა თქვა რაისმა?
„ჯერ არაფერი დასრულებულა. ჩვენ წარმოუდგენელ მდგომარეობაში ვართ. ვფიქრობ, ბრძოლის გასაგრძელებლად მზად ვართ. ჯერ კიდევ შეგვიძლია იმის მიღწევა, რაც ასე ძალიან გვინდა. პრემიერ ლიგაში კიდევ ბევრი გადატრიალება იქნება. ყველაფერი შეიძლება მოხდეს.“
????⚪️ Declan Rice: "It’s not over yet. We’re in an unbelievable position. We’re still ready, we’re still fully focused on what we want to do and what we can achieve".
— Fabrizio Romano (@FabrizioRomano) April 15, 2024
"There’s going to be many more twists and turns in the Premier League. Anything can happen". pic.twitter.com/umyICtimIn
შეგახსენებთ, რომ „არსენალთან“ ერთად თავისი მატჩი „ლივერპულმაც“ დათმო. არტეტას და კლოპის გუნდს თანაბარი 71-71 ქულა აქვთ და მეორე/მესამე ადგილს იყოფენ. პირველ პოზიციას 73 ქულით „მანჩესტერ სიტი“ იკავებს.
აღსანიშნავია, რომ „ლივერპულს“ და „არსენალს“ „მანჩესტერ სიტიზე“ გაცილებით რთული კალენდარი აქვთ.
„ლივერპულის“ დარჩენილი მატჩები:
„ფულემი“(სტუმრად), „ევერტონი“(სტუმრად), „ვესტ ჰემი“(სტუმრად), „ტოტენჰემი“, „ასტონ ვილა“(სტუმრად), „ვულვზი“.
„არსენალის“ დარჩენილი მატჩები:
„ვულვზი“(სტუმრად), „ჩელსი“, „ტოტენჰემი“(სტუმრად), „ბორნმუთი“, „მანჩესტერ იუნაიტედი“(სტუმრად), „ევერტონი“.
„მანჩესტერ სიტის“ დარჩენილი მატჩები:
„ბრაიტონი“(სტუმრად), „ნოტინგემი“, „ვულვზი“, „ფულემი“(სტუმრად), „ტოტენჰემი“(სტუმრად), „ვესტ ჰემი“.
