„მატჩის წინ ამაზე საუბარი არასწორია“ - კუმანი ენრიკეს აკრიტიკებს და ჩავის იცავს
„ბარსელონას“ ლეგენდარული ფეხბურთელი და შემდგომში კლუბის მწვრთნელი, რონალდ კუმანი ლუის ენრიკეს სიტყვებს გამოეხმაურა, რომელიც ესპანელმა წინასამატჩო პრესკონფერენციაზე წარმოთქვა.
ენრიკემ თქვა, რომ „ბარსელონას“ ის უკეთ წარმოაჩენდა, ვიდრე ჩავი ან ვინმე სხვა მწვრთნელი.
კუმანი ენრიკეს აკრიტიკებს და ჩავის იცავს.
„არ ვიცი, არის თუ არა დოკუმენტი, რომელიც ამბობს, თუ რა არის ბარსას დნმ. ბარსას დნმ არის ტიტულების მოგება.
მე დავინახე ლუის ენრიკესა და ჩავის შეხვედრა მატჩის წინ და როგორც ჩანს, ისინი კარგი მეგობრები იყვნენ. მე მგონია, რომ მათ შორის სხვა რამ ხდება, თქვენ პრესამ მეტი იცით. მაგრამ მე ვფიქრობ, რომ სამშაბათს მათი განცხადებები შეუსაბამოა. მატჩის წინ ამაზე საუბარი არასწორია.
ბარსას დნმ-სთან სამი ადამიანი ასოცირდება. კრუიფი, რომელმაც სტილი შეცვალა, გუარდიოლა, რომელიც კლუბის ისტორიაში გუნდს საუკეთესო ფეხბურთს ათამაშებდა და მესი. როცა მესი გყავს, დნმ-ზე ლაპარაკი არ არის საჭირო, რადგან ის საუკეთესო იყო ისტორიაში.
როგორც ბარსას მწვრთნელს გინდა ლამაზად ითამაშო, შეტევა და მაინც მოგება და ეს დამოკიდებულია იმაზე, თუ რა მოთამაშეები გყავს. თუ თქვენ შეგიძლიათ გაიფორმოთ საუკეთესოები, ეს უფრო ადვილია, მაგრამ საბოლოო ჯამში ეს არის მოგებული ტიტულები.
ნიდერლანდებში ყოველთვის საუბრობენ აიაქსის დნმ-ზე, მაგრამ ნახეთ სად არიან ახლა. უნდა ვეცადოთ კარგად ვითამაშოთ, რომ ხალხს მოეწონოს, მაგრამ მაინც გავიმარჯვოთ. წინააღმდეგ შემთხვევაში, ეს ყველაფერი არაფერს აკეთებს და არაფერს ემსახურება“,
- განაცხადა კუმანმა.
