შერმადინის 18 ქულა - ტენერიფე ჩემპიონთა ლიგაზე სერიაში დაწინაურდა

გიორგი შერმადინის „ლენოვო ტენერიფემ“ ჩემპიონთა ლიგის 1/4-ფინალურ ეტაპზე პირველი შეხვედრა გამართა და შინ თურქულ „ტოფაშს“ 83:77 მოუგო.

შერმადინი შეხვედრაში თადარიგიდან ჩაერთო და გამარჯვებაში თავისი სოლიდური წვლილიც შეიტანა.

შეხვედრის გამორჩეული დუეტი მარსელინიო უერტასი და გიორგი შერმადინი იყო. ბრაზილიელმა 30 ქულა და 8 მოხსნა მიითვალა, ქართველმა კი 22:21 წუთში 18 ქულა, 5 მოხსნა და 1 გადაცემა მიითვალა. 7-დან 4 ორქულიანი ჩააგდო, 10 საჯარიმოდან ყველა ზუსტად ისროლა.

ჩემპიონთა ლიგაზე დაპირისპირება 3 შეხვედრისგან შედგება. ეს პირველი იყო. თუ, „ტენერიფე“ მეორე შეხვედრასაც მოიგებს, ოთხთა ფინალში გასვლას შეძლებს. სერიის მეორე დაპირისპირება 10 აპრილს ბურსაში გაიმართება.