არგენტინას ვერ დაეხმარება - მესი ტრავმირებულია

MLS-ის მორიგ ტურში „ინტერ მაიამიმ“ „დისი იუნაიტედი“ 3:1 დაამარცხა, თუმცა აღნიშნულ მატჩში მონაწილეობა ლეო მესიმ ვერ შეძლო.

ვეტერან ფეხბურთელს კუნთის ტრავმა აქვს და რეაბილიტაციის პროცესს გადის. მიმდინარე თვეში არგენტინის ეროვნული ნაკრები ორ ამხანაგურ მატჩს გამართავს. ტრავმის გამო მესი მონაწილეობას ვერ მიიღებს. ამის შესახებ ინფორმაციას ჟურნალისტი გასტონ ედული ავრცელებს. ჯერჯერობით უცნობია ლეოს დაბრუნების თარიღი.

Leo Messi no llega a participar de los amistosos de Argentina por los tiempos de recuperación de la lesión muscular.
Tienen que definir si queda desafectado de la gira o no pero igualmente no llegaría a participar.

— Gastón Edul (@gastonedul) March 16, 2024

არგენტინა 23 მარტს ელ სალვადორს უმასპინძლებს, ხოლო 27 მარტს ასევე საკუთარ კედლებში კოსტა რიკას დაუპირისპირდება.

რაც შეეხება მესის, ვეტერანმა ფეხბურთელმა მიმდინარე სეზონში ყველა ტურნირზე ერთად 5 მატჩში მიიღო მონაწილეობა, 5 გოლი გაიტანა და 2 საგოლე გადაცემა შეასრულა.

„ინტერ მაიამი“ კი „დისი იუნაიტედთან“ გამარჯვების შემდეგ, 10 ქულით აღმოსავლეთ კონფერენციის ლიდერი გახდა. აღნიშნულ მატჩში დუბლი შეასრულა ლუის სუარესმა.