სალიცენზიო ტურნირი - მოკრივეები იტალიაში გაემგზავრნენ
საქართველოს მოკრივეთა ნაკრები იტალიაში გაემგზავრა, სადაც პარიზის ოლიმპიადის სალიცენზიო ტურნირში გამოვა.
ზაფხულის ოლიმპიური თამაშების საგზურებისთის ბუსტო არსიზიოში ხუთ წონით კატეგორიაში ამდენივე ქართველი მოკრივე, სახილ ალახვერდოვი, არტიუშ გუმციანი, ესკერხან მადიევი, გიორგი გუცაევი და გიორგი ყუშიტაშვილი იბრძოლებს.
შეჯიბრება 3-დან 12 მარტის ჩათვლით ჩატარდება და ჯამში სხვადასხვა ქვეყნის 400-მდე სპორტსმენი იჩხუბებს.
შეგახსენებთ, რომ ჯერჯერობით საქართველოს ნაკრების წევრებიდან ლიცენზია მხოლოდ ერთ მოკრივეს, ლაშა გურულს აქვს მოპოვებული.
