დუბლი და საგოლე პასი - ხვიჩამ სასუოლოსთან გაიბრწყინა

სერია ა-ს მორიგ ტურში „ნაპოლი“ „სასუოლოს“ ესტუმრა და 6:1 გაანადგურა. გამორჩეული მატჩი ჰქონდათ ხვიჩა კვარაცხელიას და ვიქტორ ოსიმენს.

ნიგერიელმა თავდამსხმელმა ჰეთ-თრიკი შეასრულა, ხოლო ქართველმა შემტევმა დუბლი და საგოლე პასიც მიითვალა.

აღსანიშნავია, რომ ანგარიში მასპინძლებმა გახსნეს და ამის შემდეგ სერია ა-ს მოქმედი ჩემპიონი „სასუოლომ“ ვეღარ გააჩერა.

აღნიშნულ დაპირისპირებაში კალცონამ ხვიჩა კვარაცხელიას 90 წუთი დაუთმო და მოენიდან ამჯერად აღარ გაიყვანა. ქართველმა ვარსკვლავმა კი ბოძებული წუთები შესანიშნავად გამოიყენა.

შეგახსენებთ, ამ გამარჯვების შემდეგ, „პარტენოპეის“ 40 ქულა დაუგროვდა და სატურნირო ცხრილში მე-9 ადგილზე იმყოფება. შემდეგ მატჩს „ნაპოლი“ 3 მარტს, საკუთარ კედლებში, „იუვენტუსის“ წინააღმდეგ გამართავს. აღნიშნული დაპირისპირება თბილისის დროით 23:45-დან დაიწყება.

ცნობისთვის, „ჯვაროსნების“ შემტევმა მიმდინარე სეზონში მერვე გოლი გაიტანა და მეექვსე საგოლე გადაცემა შეასრულა.

ხვიჩას ყველა მომენტი „სასუოლოსთან“