ქართველი მანქანა! | მერაბ დვალიშვილმა ჰენრი სეხუდო დაამარცხა
UFC 298-ის ფარგლებში, სუპერ მსუბუქი წონითი დივიზიონის მებრძოლი, მერაბ დვალიშვილი ორი წონითი დივიზიონის ყოფილ ჩემპიონს, ჰენრი სეხუდოს დაუპირისპირდა. „მანქანამ“ ზედიზედ მე-10 გამარჯვება მოიპოვა და მსაჯების ერთსულოვანი გადაწყვეტილებით გაიმარჯვა (29-28, 29-28, 29-28).
10 straight wins for Merab Dvalishvili and the second-longest active streak behind Islam Makhachev in the UFC.
— ESPN MMA (@espnmma) February 18, 2024
Dominance from The Machine ???? #UFC298 pic.twitter.com/1THwasIxeD
ბრძოლა თანაბრად დაიწყო და პირველი ძლიერი დარტყმა სეხუდოსგან ვიხილეთ, მაგრამ მერაბი მდგომარეობიდან სწრაფად გამოვიდა. მალევე, დვალიშვილმა თეიქდაუნი შეასრულა, რამდენიმე წამის შემდეგ კი სეხუდოს ძლიერად მოარტყა და წააბარბაცა, მაგრამ პარტერში ცუდად ჩავიდა და რაუნდის ბოლო წუთ-ნახევარი სეხუდოს კონტროლით ჩაიარა. შეგვიძლია, ვთქვათ, რომ პირველ რაუნდში უკეთ სეხუდო გამოიყურებოდა.
მეორე რაუნდმა „მანქანის“ დომინაციით ჩაიარა. საწყის წამებში, დვალიშვილი დარტყმებს ცვლიდა და ჰენრის რამდენჯერმე ძლიერად მოარტყა კიდეც. რაუნდის შუაში, მერაბმა თეიქდაუნი შეასრულა და ბოლო წუთებში „ტრიპელ სის“ შესანიშნავად აკონტროლებდა. მეორე რაუნდი მერაბს - 1:1.
მესამე რაუნდში „მანქანამ“ საოცარი ჩხუბი გვაჩვენა და დაუვიწყარი კადრები გვაჩუქა. დვალიშვილი სერიოზულ უპირატესობას ფლობდა და სეხუდო უსუსურად გამოიყურებოდა. ჰენრის სახეზე მხოლოდ სასოწარკვეთესა და დაღლილობას თუ შეამჩნევდით. დვალიშვილმა მაგარი ჩხუბი გვაჩვენა და დამსახურებულად მოიგო.
#UFC298 Official Result: Merab Dvalishvili (29-28, 29-28, 29-28 | @MerabDvalishvil) defeats Henry Cejudo by Unanimous Decision.
— UFC News (@UFCNews) February 18, 2024
All Fight Results ➡️: https://t.co/8KUoCONDaj
გეტყვით იმასაც, რომ სეხუდო UFC-ის ისტორიაში ის მეოთხე მებრძოლია, რომელიც საჩემპიონო ქამარს ერთდროულად ორ წონით დივიზიონში ფლობდა. ბოლოს მან მერაბის ახლო მეგობართან, ალჯამეინ სტერლინგთან იჩხუბა და მსაჯების გადაწყვეტილებით დამარცხდა.
