შერმადინის 17 ქულა | ლენოვო ტენერიფე ესპანეთის თასის ნახევარფინალშია
ესპანეთის საკალათბურთო თასის მეოთხედფინალში, გიორგი შერმადინის „ლენოვო ტენერიფე“ „უნიკახას“ დაუპირისპირდა. ქართველი კალათბურთელის გუნდს აუტსაიდერად თვლიდნენ, მაგრამ კარგი მეორე ტაიმის წყალობით, 91:83 იმარჯვა.
„უნიკახამ“ პირველი ტაიმი 4 ქულით მოიგო, მეორე ნახევარში კი უკეთ „ლენოვო ტენერიფე“ გამოიყურებოდა. მეოთხე მეოთხედის დაწყებამდე, შერმადინის გუნდის უპირატესობა 1 ქულას შეადგენდა, გადამწყვეტი პერიოდი კი „ლენოვო ტენერიფემ“ 25:18 მოიგო და სასურველი შედეგი დააფიქსირა.
???? Txus tenía un plan ‼️Victoria ante el anfitrión ‼️
— Lenovo Tenerife (@CB1939Canarias) February 16, 2024
???? El #LenovoTenerife se lleva un PARTIDAZO ante un señor equipo
???????? #VamosCanarias #LenovoTenerife pic.twitter.com/ngUgvPsR4T
შერმადინმა პარკეტზე 27 წუთი და 53 წამი გაატარა და საკუთარ გუნდში ერთ-ერთი საუკეთესო იყო. გიორგიმ აქტივში 17 ქულა, 5 მოხსნა, 4 შედეგიანი გადაცემა და 1 ჩაჭრა ჩაიწერა. შერმადინმა 7-დან 4 ორქულიანი და 10-დან 9 საჯარიმო ჩააგდო. „ლენოვო ტენერიფეს“ რიგებში მასზე მეტი ქულა მხოლოდ აარონ დორნეკამპმა (25) და კაილ გაიმ (23) დააგროვეს.
????????????????????????
— #CopaACB (@ACBCOM) February 16, 2024
PUT IT BACK!
¡ANIMAAAAAAAL, ELGIN COOK!
???? @MovistarPlus #CopaACB#ListosParaRomperla pic.twitter.com/a5wPUUHKHB
ცნობისთვის, ესპანეთის თასის ნახევარფინალში „ლენოფო ტენერიფეს“ მეტოქე „ბარსელონა“ გახლავთ, რომელმაც „მანრესას“ 102:91 მოუგო. მეორე ნახევარფინალურ წყვილში ერთმანეთს „რეალი“ და „ვალენსია“ ხვდებიან.