შენგელიას 12 ქულა | ვირტუს ბოლონია მონაკოსთან დამარცხდა
თორნიკე შენგელიას „ვირტუს ბოლონია“ ევროლიგის ეგიდით, საკუთარ კედლებში მეორედ დამარცხდა. იტალიური კლუბი საშინაო არენაზე „მონაკოს“ დაუპირისპირდა და მძიმე ბრძოლაში წააგო - 78:81.
„ვირტუს ბოლონიამ“ პირველი ტაიმი ცუდად ჩაატარა და დიდ შესვენებაზე 10-ქულიანი ჩამორჩენით გავიდა - 35:45. შენგელიას გუნდმა მეორე ნახევარში მოუმატა და შეხვედრის დასრულებამდე 1 წუთითა და 45 წამით ადრე, თორნიკეს ჯარიმებით 1 ქულით დაწინაურდა. სამწუხაროდ, ეს მათი მაქსიმუმი აღმოჩნდა და გადამწყვეტ მომენტში უკეთ ფრანგებმა იასპარეზეს.
SCONFITTA ❌
— Virtus Segafredo Bologna (@VirtusSegafredo) February 9, 2024
La Virtus sconfitta per la prima volta alla Segafredo Arena dopo una battaglia di 40’
???? Belinelli 21, Lundberg 15, Shengelia 12, Mickey 10, Cordinier 7, Dunston 5, Polonara 5, Dobric 2, Pajola 1#AmarsiAncora pic.twitter.com/qJGhKI7lvU
შენგელიამ მატჩი ძირითად შემადგენლობაში დაიწყო და პარკეტზე 26 წუთი და 40 წამი გაატარა. ქართველი კალათბურთელის ანგარიშზე 12 ქულა, 2 მოხსნა და 4 შედეგიანი გადაცემა იყო. შენგელიამ 5-დან 3 ორქულიანი და 9-დან 6 საჯარიმო ჩააგდო, თუმცა 5 პერსონალური მიიღო და მატჩის დასრულებამდე 1 წუთით ადრე, პარკეტის დატოვება მოუწია.
ცნობისთვის, „ვირტუს ბოლონიას“ 16 მოგება და 10 წაგება აქვს და ევროლიგის სატურნირო ცხრილის მე-5 პოზიციას იკავებს. იტალიურ კლუბს მომდევნო შეხვედრა 11 თებერვალს აქვს ჩანიშნული და „სკაფატის“ დაუპირისპირდება.
