„ბრძოლა ისე არ ჩატარდა, როგორც გვინდოდა“ - დოლიძე მიმართვას ავრცელებს
UFC-ის ქართველი მებრძოლი, რომან დოლიძე ნასურდინ იმავოვთან მარცხის შემდეგ სოციალურ ქსელში მიმართვას ავრცელებს გულშემატკივრებს თანადგომისთვის მადლობას უხდის.
რას ამბობს დოლიძე:
ბრძოლა ისე არ ჩატარდა, როგორც გვინდოდა, მაგრამ თქვენს თანადგომას ვგრძნობ და ჩემს გულში ხართ. ძალიან დიდი მადლობა ამისთვის. ახლა რამდენიმე კვირით უკრაინაში მივემგზავრები და შემდეგ საქართველოში შევხვდებით. ძალა ერთობაშია.
შეგახსენებთ, რომ UFC Fight Night 235-ის მთავარ ბრძოლაში რომან დოლიძე საფრანგეთის სახელით მოასპარეზე ნასურდინ იმავოვთან მსაჯების გადაწყვეტილებით დამარცხდა.
