თორნიკე შენგელია დაბრუნდა | ვირტუს ბოლონიამ პარტიზანი დაამარცხა
თორნიკე შენგელიამ ზურგის ტრავმა მოირჩინა და „ვირტუს ბოლონიას“ რიგებში იასპარეზა. ქართველ კალათბურთელს, ზურგის არეში ტკივილის გამო, 12 იანვრის შემდეგ არ ჰქონდა ნათამაშები და საყვარელ საქმიანობას ევროლიგაზე, „პარტიზანთან“ გამართულ შეხვედრაში დაუბრუნდა.
Toko Shengelia is finally back in action as Virtus Bologna hosts Partizan in the EuroLeague Round 25. pic.twitter.com/oybX2sVnlm
— Cesare Milanti (@cesaremilanti) February 2, 2024
შენგელიას დაბრუნება „ვირტუს ბოლონიასთვის“ წარმატებული გამოდგა. იტალიურმა კლუბმა ევროლიგაზე 2-მატჩიანი მოუგებელი სერია შეწყვიტა და „პარტიზანს“ 88:84 სძლია. იტალიელები მეოთხე მეოთხედში 6 ქულით აგებდნენ, მაგრამ ხასიათი გამოავლინეს და მძიმე ბრძოლაში მოიგეს.
WIN WIN WIN ⚪️⚫️
— Virtus Segafredo Bologna (@VirtusSegafredo) February 2, 2024
La vinciamo noi❗️
???? Lundberg 20, Belinelli 20, Cordinier 12, Shengelia 8, Dunston 7, Hackett 7, Abass 7, Mickey 4, Pajola 3#AmarsiAncora pic.twitter.com/B88i1gTcCV
შენგელიამ პარკეტზე 21 წუთი და 41 წამი გაატარა და მის ანგარიშზე 8 ქულა, 5 მოხსნა (1 მეტოქის ფარზე) და 1 შედეგიანი გადაცემა იყო. თორნიკემ 2-დან 2 ორქულიანი, 2-დან 1 სამქულიანი და 2-დან 1 საჯარიმო ჩააგდო. „ვირტუს ბოლონიას“ 20-20 ქულით მარკო ბელინელიმ და გაბრიელ ლუნდბერგმა ულიდერეს, ისაია კორდინიეს კი 12 ქულა ჰქონდა.
ამრიგად, „ვირტუს ბოლონიას“ ევროლიგის ეგიდით, 16 მოგება და 9 წაგება აქვს და სატურნირო ცხრილის მესამე პოზიციას იკავებს. ბოლონიელები მომდევნო შეხვედრას 5 თებერვალს გამართავენ და „ტრევიზოს“ დაუპირისპირდებიან.
