ბელინგემი გრინვუდს: „მოძალადე ხარ“ - ჯუდი შესაძლოა დასაჯონ
ჯუდ ბელინგემმა მეისონ გრინვუდს „ხეტაფესთან“ მატჩის დროს ერთ-ერთ ეპიზოდში „სექსუალური მოძალადე" უწოდა.
„ხეტაფემ" ლა ლიგის მატჩის დელეგატს სთხოვა, რომ ბელინგემის სიტყვები პროტოკოლში ჩაეწერა, იუწყება As-ი Cadena SER-ზე დაყრდნობით. კლუბი აანალიზებს ვიდეოს, მაგრამ საჩივრის შეტანას არ აპირებს.
????BREAKING: Getafe have reported Jude Bellingham to La Liga after he reportedly called Mason Greenwood a ‘r*pist' pic.twitter.com/cvQvJ97ldT
— Football Hub (@FootbalIhub) February 2, 2024
„ხეტაფეს“ სურს, რომ ბელინგემის მიერ გრინვუდის სავარაუდო შეურაცხყოფა გამოიძიონ, ლა ლიგამ გადახედოს კადრებს და მიიღოს საბოლოო გადაწყვეტილება.
Marca-ს ცნობით, თუ ბელინგემს ამ ფრაზის გრინვუდის მისამართით წარმოთქმა დაუდასტურდა, დიდი შანსია ინგლისელი დაისაჯოს და რამდენიმე მატჩიც გამოტოვს.
???? JUST IN: RFEF might BAN Jude Bellingham if it's found out he offended Mason Greenwood. There are currently no complaints about Jude to the Federation, but La Liga is expected to do it after hiring a lip reader. @marca #rmalive pic.twitter.com/OLY8MtoIdE
— Madrid Zone (@theMadridZone) February 2, 2024
შეგახსენებთ, რომ 2022 წლის ოქტომბერში გრინვუდი სექსუალური ძალადობის ბრალდებით დააკავეს, შიდა პატიმრობაში ყოფნის შემდეგ, დაზარალებულმა გოგომ სარჩელი უკან გაიტანა, ინგლისელ ფეხბურთელს კი ყველა ბრალდება მოუხსნეს და მან საფეხბურთო კარიერის განახლების უფლებაც მიიღო.
2023 წლის თებერვლის დასაწყისში, მანჩესტერის პოლიციამ გამოაცხადა, რომ გრინვუდი ყველა ზემოთ ჩამოთვლილი ბრალდებისგან გაათავისუფლეს. ზაფხულში ფეხბურთელს და გოგონას, რომელიც მას გაუპატიურებაში ადანაშაულებდა, შვილი შეეძინათ.
2023 წლის ზაფხულის სატრანსფერო ფანჯრისას გრინვუდი „მანჩესტერ იუნაიტედიდან“ „ხეტაფეში" იჯარით გადავიდა.
