კაპელო ანჩელოტიზე: ადაპტაციის უნარი ინტელექტის ნიშანია, ის ნომერ პირველია

ფაბიო კაპელომ კარლო ანჩელოტის მსოფლიოს საუკეთესო მწვრთნელი უწოდა.

„ის მსოფლიოში ნომერ პირველია. აუცილებლად. მან გაიმარჯვა ყველგან, სადაც მუშაობდა. ძალიან რთულია იმდენი რამის მოგება, რამდენიც კარლომ მოიგო.

გერმანიაში მიდის და იგებს. ინგლისში მიდის და იგებს. იტალიაში მან უბრალოდ კი არ მოიგო, ის, რასაც მან მიაღწია, სასწაული იყო“.

- და რა არის მისი საიდუმლო?

„ის, რომ ჭკვიანია. მას არ აქვს სისტემა, ყველაფერი დამოკიდებულია მის ხელთ არსებულ ფეხბურთელებზე. ადაპტაციის უნარი ინტელექტის ნიშანია. ყოველთვის არ შეიძლება ერთ სტილში თამაში, ეს ყველაფერი დამოკიდებულია იმაზე, თუ როგორი მოთამაშეები გყავს. 100%-ის მისაღებად, თქვენ ფეხბურთელები სწორ პოზიციებზე უნდა დააყენოთ და მოამზადოთ თამაშის გეგმა, რომელიც მათ საშუალებას მისცემს უკეთ ითამაშონ“.

- როცა გესმით, რომ ანჩელოტის მთავარი უპირატესობა გასახდელში მართვის უნარია, რაზე ფიქრობთ?

„უკაცრავად, ეს სასაცილოა. ვინც ამას ამბობს, ვერაფერი ესმის. ეს არის ყველაზე რთული: გასახდელების, მოთამაშეების, ვარსკვლავების მართვა. რაც მეტი ვარსკვლავი გყავთ, მით უფრო რთულია თქვენთვის. კარლოს კი ბევრი ვარსკვლავი ჰყავს. იქ ყველას უნდა იყოს მთავარი ვარსკვლავი და არა ერთ-ერთი ვარსკვლავი“,

- თქვა კაპელომ.