„მას მხოლოდ ერთ რამეს ვურჩევ“ - თოფურიამ იაირ როდრიგესს უპასუხა
UFC-ის ქვემსუბუქი წონის ქართველმა მებრძოლმა, ილია თოფურიამ ესპანურ ABC.es-თან ინტერვიუს დროს ამავე წონის მექსიკელ მებრძოლზე, იაირ როდრიგესზე ისაუბრა. შეგახსენებთ, რომ რამდენიმე დღის წინ როდრიგესმა „ელ მატადორთან“ ბრძოლის სურვილი გამოთქვა და თოფურია პროვოკაციის მოწყობაში დაადანაშაულა.
რას ამბობს ილია როდრიგესზე:
თუ მას ჩემთან ბრძოლა სურს, მისთვის რამდენიმე რჩევა მექნება. დაიწყე გამარჯვება და დაიწყება შენთვის ნივთების მიღებაც. საუბრით ვერაფერს მიაღწევ. ერთადერთი, რაც უნდა გააკეთო, არის გამარჯვებების დაგროვება, რაც შენთვის რთული გასაკეთებელი იქნება. მაგრამ არაუშავს, უნდა სცადო. მეტი და მეტი უნდა ივარჯიშო, ეცადე, მაქსიმუმი გაიღო და შემდეგ შესაძლოა ყველაფერი მოვიდეს. იშრომე!
შეგახსენებთ, რომ 17 თებერვალს, ილია თოფურია UFC-ის ქვემსუბუქი წონის საჩემპიონო ბრძოლას გამართავს. ქართველი მებრძოლის მეტოქე ლეგენდარული ალექსანდრ ვოლკანოვსკი იქნება.
