შერმადინის 13 ქულა - ტენერიფემ ობრადოირო დაამარცხა
ესპანეთის საკალათბურთო ჩემპიონატის მორიგ ტურში ლენოვო „ტენერიფე“ „ობრადოიროს“ ესტუმრა და 97:86 დაამარცხა.
როგორც ყოველთვის, გიორგი შერმადინი ძირითად შემადგენლობაში მოგვევლინა. ქართველმა კალათბურთელმა პარკეტზე 30 წუთი და 21 წამი დაყო.
ამ პერიოდის განმავლობაში, ვეტერანმა ცენტრმა 13 ქულა, 7 მოხსნა და 2 შედეგიანი გადაცემა მიითვალა.
შერმადინმა 6-ჯერ ისროლა 2-ქულიანი და ზუსტი 4 იყო. 3-ქულიანის სროლის მცდელობა არ ჰქონია, ხოლო 6 საჯარიმო ტყორცნიდან 5 ჩააგდო.
7 მოხსნიდან 4 მეტოქის ფარზე შეასრულა, ხოლო 3 საკუთარზე. გიორგიმ მატჩის განმავლობაში 2 პერსონალური ფოლი მიიღო.
ცნობისთვის, ამ გამარჯვების შემდეგ, „ტენერიფე“ სატურნირო ცხრილში მე-7 ადგილზე იმყოფება და შემდეგ ტურში „მურსიას“ უმასპინძლებს.
???? El #LenovoTenerife impone su sello en Fontes do Sar y suma su décima victoria ‼️
— Lenovo Tenerife (@CB1939Canarias) January 20, 2024
???????? #VamosCanarias #LenovoTenerife pic.twitter.com/TqYDS9Ov1P
