ოფიციალურად | ჯორდან ჰენდერსონი აიაქსის ფეხბურთელია
ჯორდან ჰენდერსონი ევროპაში დაბრუნდა. ინგლისელი ფეხბურთელი, რომელმაც ზაფხულში ხელშეკრულება „ალ-ეტიფაქს“ შეუთანხმა, „აიაქსის“ რიგებში ითამაშებს. ამსტერდამელებმა ოფიციალური განცხადება უკვე გაავრცელეს და მისი ტრანსფერი დაადასტურეს.
Ajax is delighted to announce the signing of Jordan Henderson ????????????????????????????
— AFC Ajax (@AFCAjax) January 18, 2024
ჰენდერსონი „აიაქსში“ თავისუფალი აგენტის სტატუსით გადავიდა. მან „ალ-ეტიფაქთან“ კონტრაქტი გაწყვიტა და ნიდერლანდურ გრანდს საკუთარი მომავალი 2026 წლის 30 ივნისამდე დაუკავშირა.
„გამოცდილი ნახევარმცველის დამატება გვინდოდა, რომელიც ლიდერის თვისებებით გამოირჩევა. ჩვენი მიზანი იყო, ფეხბურთელი ზამთარშივე დაგვემატებინა და ჯორდან ჰენდერსონის გადმოსვლამ ჩვენი შემადგენლობა, როგორც მოედანზე, ისე მის მიღმა, უფრო ძლიერი გახადა. მისნაირი ფეხბურთელი ახალგაზრდა მოთამაშეებისთვის ძალიან მნიშვნელოვანია. მოხარული ვარ, რომ აქ იმყოფება და ვფიქრობ, კლუბისთვის კარგია, რომ ჩვენს რიგებში ითამაშებს“, - განაცხადა „აიაქსის“ თავკაცმა, ჯონ ვან ტსხიპმა.
ცნობისთვის, ჰენდერსონს ინგლისის ნაკრებში 81 შეხვედრა აქვს ჩატარებული და საუდის არაბეთში წასვლამდე, „ლივერპულის“ ღირსებას იცავდა.
