ოფიციალურად | ჟოზე მოურინიო დანიელე დე როსიმ ჩაანაცვლა
„რომას“ ახალი მთავარი მწვრთნელი ჰყავს. „ჯალოროსიმ“ ოფიციალური განცხადება გაავრცელა და დაადასტურა, რომ ჟოზე მოურინიოს დანიელე დე როსი ჩაანაცვლებს. მან კლუბთან კონტრაქტი 2024 წლის 30 ივნისამდე გააფორმა.
AS Roma are pleased to confirm that Daniele De Rossi has been appointed as head coach until 30 June 2024.
— AS Roma English (@ASRomaEN) January 16, 2024
Welcome home, Daniele! ????❤️
???? https://t.co/7e6RgE4dmA#ASRoma pic.twitter.com/2GWqAEGnKY
„მინდა, კლუბის ხელმძღვანელობას მადლობა გადავუხადო, რადგან ჩემ მიმართ ნდობა გამოიჩინეს და ეს მნიშვნელოვანი პოსტი ჩამაბარეს. თავდადების, ყოველდღიური მსხვერპლისა და მაქსიმუმის გაკეთების გარდა, სხვა გზა არ ვიცი და ყველაფერს გავიღებ, რათა ღირსეულად გავუმკლავდე გამოწვევებს, რომლებიც სეზონის ბოლომდე გველოდება.
დრო ან არჩევანი არ გვაქვს და კონკურენტუნარინი გუნდი უნდა გავხდეთ. ჩვენი მიზნებისთვის უნდა ვიბრძოლოთ და ჩემი და სამწვრთნელო შტაბის პრიორიტეტი მათი მიღწევაა“, - განაცხადა დე როსიმ.
ცნობისთვის, დე როსი „რომას“ ლეგენდაა. მას დედაქალაქელთა მაისურით 616 შეხვედრა აქვს ჩატარებული და 63 გოლი გაიტანა.
