„ოსიმენი მართალია, ჯუღელმა თავის კლიენტზე უნდა იფიქროს“ | იტალიელი ჟურნალისტი
ნეაპოლური გამოცემის, Calcionapoli24-ის ჟურნალისტი, ლუკა კერჩონე „ნაპოლის“ ფეხბურთელის, ვიქტორ ოსიმენის განცხადებას გამოეხმაურა, რომელიც ხვიჩა კვარაცხელიას აგენტს, მამუკა ჯუღელს დაუპირისპირდა. კერჩონემ „ტვიტერის“ საკუთარ გვერდზე პოსტი გამოაქვეყნა და ნიგერიელ თავდამსხმელს მხარი დაუჭირა.
„ჩუმი გასახდელი ნაპოლიში. ოსიმენი მართალია. კვარაცხელიას აგენტს ურჩევნია, მხოლოდ საკუთარ კლიენტზე იფიქროს. PS: თუ იმედგაცრუებული ხარ, რადგან ნიგერიელს 9-ჯერ მაღალი ხელფასი აქვს, ეს კლუბს გააგებინე“.
Spogliatoio tranquillo a #Napoli.
— Luca Cerchione (@lucacerchione) January 10, 2024
Comunque #Osimhen ha ragione: il procuratore di #Kvaratskhelia farebbe bene a pensare solo al suo assistito.
Ps: se si sente frustrato perché il nigeriano ha un ingaggio 9 volte superiore, lo faccia presente alla società https://t.co/vdtogj94xG pic.twitter.com/GVdM676sha
შეგახსენებთ, რომ ჯუღელმა საქართველოს პირველი არხის ჟურნალისტს, ცოტნე ქინქლაძეს ექსკლუზიური ინტერვიუ მისცა და ზაფხულის სატრანსფერო ფანჯრისას, ოსიმენის საუდის არაბეთში გადასვლა ივარაუდა. „ოსი“ მის სიტყვებს „ინსტაგრამზე“ გამოეხმაურა და ჯუღელს სამარცხვინო ადამიანი უწოდა.
