„იგივეს გაგიკეთებ, რაც ბრაისს გაუკეთე“ - ჭიკაძემ ემეტი ისევ გამოიწვია
UFC-ის ქვე-მსუბუქი წონის ქართველმა მებრძოლა, გიგა ჭიკაძემ ჯოშ ემეტი საბრძოლველად კიდევ ერთხელ გამოიწვია და განაცხადა, რომ მზადაა მას UFC 300-ზე შეხვდეს.
რას წერს „ნინძა“ X.com-ზე:
ჯოშ, შენ დაამარცხე ბიჭი, რომელიც ფერმაში ძროხებს უვლიდა და დივანზე იყო წამოწოლილი. დათანხმდი UFC-ის შეთავაზებას UFC 300-ზე, მე უკვე ვთქვი კი! იგივეს გაგიკეთებ, რაც მას გაუკეთე!
Josh! You beat the guy coming off the couch, working with the cows in the farm. Accept UFC’s offer for UFC 300, I already said YES!
— GIGACHAD (@giga_chikadze) January 8, 2024
I’ll do to you what you did to him! @JoshEmmettUFC @ufc @danawhite @seanshelby @AliAbdelaziz00
შეგახსენებთ, რომ გიგა ჭიკაძე და ჯოშ ემეტი ერთმანეთს გასული წლის 17 დეკემბერს, UFC 296-ზე უნდა შეხვედროდნენ, თუმცა „ნინძამ“ ტრავმა მიიღო, რის გამოც ბრძოლას ჩაეხსნა, მის მაგივრად კი ჯოშ ემეტს ბრაის მიტჩელი შეხვდა, რომელსაც 38 წლის მებრძოლმა პირველივე რაუნდში ნოკაუტით მოუგო.
