Onze d'Or | ვინ მოიგო პრესტიჟული ჯილდო და რომელ ადგილზე გავიდა კვარა
Onze Mondial-ი ფრანგული გაზეთია, რომელსაც პრესტიჟული ჯილდო, Onze d'Or აქვს დაწესებული. Onze d'Or-ი 1976 წელს დაარსდა და ევროპული ფეხბურთის წლის საუკეთესო მოთამაშეს გადაეცემა, რომლის ვინაობასაც Onze Mondial-ის მკითხველები, ხმის მიცემით ავლენენ.
Onze Mondial-ის წლევანდელი ჯილდოს გამარჯვებული „მანჩესტერ სიტის“ თავდამსხმელი, ერლინგ ჰოლანდი გახდა, რომელმაც ხმების 20.7 პროცენტი მიიღო. მეორე ადგილზე კარიმ ბენზემა გავიდა (19.9 პროცენტი), მესამე პოზიცია კი კილიან მბაპემ დაიკავა - 18.5 პროცენტი.
???????? Mesdames, Messieurs
— Onze Mondial (@OnzeMondial) January 5, 2024
Onze Mondial a l’honneur de vous présenter le Onze d’Or 2023, élu par les fans, Monsieur @ErlingHaaland !
???????? Ladies and Gentlemen
Onze Mondial is honored to present you the Onze d’Or 2023, elected by the fans, Mister @ErlingHaaland ! pic.twitter.com/1z0aVMQDWU
Onze Mondial-ის საუკეთესო თერთმეტეულში „ნაპოლის“ ქართველი ფეხბურთელი, ხვიჩა კვარაცხელიაც მოხვდა. „კვარას“ მხარი გამოკითხულთა 2.9 პროცენტმა დაუჭირა და „პარტენოპეის“ გარემარბი მერვე გახლავთ. მას ბუკაიო საკა, ჯამალ მუსიალა და რონალდ არაუხო მოჰყვებიან, მის წინ კი მარკუს რაშფორდი (მეშვიდე ადგილი), კევინ დე ბრუინი (მეექვსე ადგილი), ლიონელ მესი (მეხუთე ადგილი) და ვინისიუს ჟუნიორი (მეოთხე ადგილი) იმყოფებიან.
შეგახსენებთ, რომ კვარაცხელიამ „ოქროს ბურთის“ დაჯილდოებაში, რომელიც ლიონელ მესიმ მოიგო, მე-17 ადგილი დაიკავა.
