43-მატჩიანი წაუგებელი სერია დასრულდა | ჯოკოვიჩი ავსტრალიაში დამარცხდა
მსოფლიოს პირველი ჩოგანი, ნოვაკ ჯოკოვიჩი ალექს დე მინაურთან დამარცხდა. ავსტრალიაში მიმდინარე გუნდური ტურნირის, United Cup-ის მეოთხედფინალში, სერბეთი ავსტრალიას დაუპირისპირდა და მასპინძელმა დე მინაურმა 6:4, 6:4 მოიგო.
ჯოკოვიჩს ჯანმრთელობის პრობლემები შეექმნა და მაჯამ შეაწუხა, რის გამოც, კორტზე ფიზიოთერაპევტის გამოძახება მოუწია. „რაც უფრო მეტს ვთამაშობ, მით უფრო მტკივა“, - განუცხადა „ნოლემ“ ფიზიოთერაპევტს, მაგრამ მატჩი მაინც ბოლომდე მიიყვანა.
DEMONATION ????@alexdeminaur inflicts a FIRST defeat in Australia since 2018 for Djokovic!#UnitedCup pic.twitter.com/VAKHeoMEEY
— Tennis TV (@TennisTV) January 3, 2024
საინტერესოა, რომ ჯოკოვიჩმა ავსტრალიაში 2018 წლის შემდეგ პირველად წააგო. მაშინ ავსტრალიის ღია პირველობის მეოთხე რაუნდში, ის ჰიონ ჩონმა დაამარცხა. მას შემდეგ, სერბ ჩოგბურთელს ავსტრალიაში ზედიზედ 43 მატჩი ჰქონდა მოგებული, მაგრამ მისი სერია დე მინაურმა დაასრულა.
THE BIGGEST WIN OF HIS CAREER ????⭐️
— United Cup (@UnitedCupTennis) January 3, 2024
???????? @alexdeminaur delivers a magical display to defeat World No. 1 Djokovic and give Australia a 1-0 lead over Serbia! #UnitedCup pic.twitter.com/CKFTAlC9II
აღსანიშნავია კიდევ ერთი ფაქტი. ავსტრალიელმა ჩოგბურთელმა მსოფლიო რეიტინგის ლიდერს კარიერაში პირველად მოუგო. აქამდე მას პირველ ჩოგანთან 2-ჯერ ჰქონდა ნათამაშები და ორივეჯერ რაფაელ ნადალთან დამარცხდა.
