მანჩესტერ იუნაიტედმა 2023 წელი ნოტინგემთან მარცხით დაასრულა
„მანჩესტერ იუნაიტედმა“ 2023 წელი მარცხით დაასრულა. ერიკ ტენ ჰაგის გუნდმა სტუმრად „ნოტინგემ ფორესტთან“ 2:1 წააგო.
პირველი ტაიმი ფრედ 0:0 დასრულდა. მეორე ნახევარში, მასპინძლები გააქტიურდნენ და 64-ე წუთზე დაწინაურდნენ. თავი დომინგესმა გამოიჩინა.
რა თქმა უნდა, „იუნაიტედი“ მარცხს არ ეგუებოდა და შეტევაში გააქტიურდა. 78-ე წუთზე მარკუს რაშფორდმა გაისროლა და წონასწორობა აღადგინა, თუმცა ეს საკმარისი არ აღმოჩნდა.
82-ე წუთზე გიბს-უაითმა „მანჩესტერის“ კარში გამარჯვების მომტანი გოლი გაიტანა და შეხვედრის საბოლოო შედეგი 2:1 დააფიქსირა.
ცნობისთვის, ამ მომენტისთვის, „წითელ ეშმაკებს“ სატურნირო ცხრილში 31 ქულა აქვთ და მე-7 ადგილზე იმყოფებიან, თუმცა „ბრაიტონს“ და „ნიუკასლს“ 1 მატჩით ნაკლები აქვთ ჩატარებული. ამ გუნდების გამარჯვების შემთხვევაში, „იუნაიტედი“ მე-9 ადგილზე აღმოჩნდება.
