ნაპოლი ელმასის შემცვლელს ეძებს | გოჩოლეიშვილისა და აზაროვის თანაგუნდელი სურთ
ხვიჩა კვარაცხელიას „ნაპოლი“ ელიფ ელმასის შემცვლელს ეძებს, რომელმაც კარიერა „ლაიფციგში“ გააგრძელა. ცნობილი ჟურნალისტის, ფაბრიციო რომანოს ინფორმაციით, „პარტენოპეის“ მთავარი სამიზნე გიორგი გოჩოლეიშვილისა და ირაკლი აზაროვის თანაგუნდელი, გეორგი სუდაკოვი გახლავთ.
რომანოს ცნობით, „ნაპოლი“ „შახტარს“ უკვე დაუკავშირდა და მზადაა, სუდაკოვის გასაფორმებლად ყველაფერი გააკეთოს. „პარტენოპეის“ გარდა, იგი „იუვენტუსის“ რადარზე იმყოფება და „ბებერი ქალბატონი“ დიდი ხანია მას აკვირდება.
???????????? Understand Juventus and Napoli have both approached Shakhtar Donetsk for Ukrainian top talent Georgiy Sudakov.
— Fabrizio Romano (@FabrizioRomano) December 29, 2023
Napoli are willing to invest on Sudakov to replace Elmas, Juve have him in their list since long time.
There was already €35m bid on the table for Sudakov. pic.twitter.com/L2zNrgMOV6
როგორც რომანო წერს, ერთ-ერთმა კლუბმა „შახტარს“ წინადადებით მიმართა და მას 35 მილიონი ევროს ოდენობის შეთავაზება გაუკეთა. დონეცკელთა პასუხის შესახებ ჯერჯერობით არაფერია ცნობილი და ვნახოთ, მოვლენები როგორ განვითარდება.
შეგახსენებთ, რომ სერია A-ს 17 ტურის შემდეგ, „ნაპოლის“ 27 ქულა აქვს და სატურნირო ცხრილის მე-7 პოზიციას იკავებს. „პარტენოპეი“ მომდევნო შეხვედრას „მონცას“ წინააღმდეგ გამართავს.
