2023 წლის საუკეთესო მეკარეები | რომელ ადგილზეა ტოპ 10-ში მამარდაშვილი

ცნობილმა საფეხბურთო გამოცემამ, Score90-მა, რომელსაც „ინსტაგრამზე“ 1.7 მილიონი გამომწერი ჰყავს, 2023 წლის საუკეთესო მეკარეები დაასახელა. ტოპ 10-ში ქართველი გოლკიპერიც მოხვდა, და Score90-მა გიორგი მამარდაშვილი გამოარჩია.

„მამარდა“ მე-10 პოზიციას იკავებს. მის წინ ისეთი ცნობილი მეკარეები იმყოფებიან, როგორებიც დიოგუ კოშტა (მეცხრე), ემილიანო მარტინესი (მერვე), გრეგორ კობელი (მეშვიდე), მაიკ მენიო (მეექვსე), ედერსონი (მეხუთე), მარკ-ანდრე ტერ შტეგენი (მეოთხე), იან ობლაკი (მესამე), ტიბო კურტუა (მეორე) და ალისონი (პირველი) არიან.

View this post on Instagram

A post shared by Score 90 (@score90)

შეგახსენებთ, რომ მამარდაშვილს ესპანეთის ლა ლიგის მიმდინარე სეზონში 18 მატჩი აქვს ჩატარებული. ქართველმა მეკარემ კარი მშრალად 6 შეხვედრაში შეინახა და რამდენიმე ბრწყინვალე მატჩი ჩაატარა, რის შემდეგაც ევროპული გრანდების ყურადღების ცენტრში მოექცა.

ცნობისთვის, Transfermarkt-ზე მამარდაშვილის ღირებულება 30 მილიონი ევროა. ესპანეთის ლა ლიგაში მასზე ძვირად მხოლოდ ტიბო კურტუა, იან ობლაკი და მარკ-ანდრე ტერ შტეგენი არიან შეფასებული.