„იმედია, თავიანთ 2-კლუბიან ტურნირს მალე დაიწყებენ“ | ჩეფერინი სუპერ ლიგაზე
უეფას პრეზიდენტმა, ალექსანდრ ჩეფერინმა სუპერ ლიგასთან დაკავშირებით, განცხადება გაავრცელა. ჩეფერინმა აღნიშნა, რომ ტურნირის ორგანიზატორთა შეჩერებას არ აპირებს და მათ შეუძლიათ, ის გააკეთონ, რაც უნდათ.
UEFA president Aleksander Ceferin on Super League: "We will not try to stop them. They can create whatever they want. I hope they start their fantastic competition as soon as possible, with two clubs. I hope they know what they are doing but I am not so sure about that."
— Simon Stone (@sistoney67) December 21, 2023
„მათ შეჩერებას არ შევეცდებით და შეუძლიათ, რა ტურნირიც უნდათ, ის შექმნან. იმედია, თავიანთ ფანტასტიკურ 2-კლუბიან ტურნირს რაც შეიძლება, სწრაფად დაიწყებენ. იმედია, იციან, რას აკეთებენ, მაგრამ ამაში დარწმუნებული ნამდვილად არ ვარ. ფეხბურთი არ იყიდება.
ვნახე, რომ ინგლისურ პრესაში სუპერ ლიგას ზომბი ლიგა უწოდეს. შობა ახლოვდება. მათ ნაძვის ხის ქვეშ საჩუქარი დაინახეს და ზეიმი დაიწყეს, მაგრამ როცა საჩუქარი გახსნეს, ნახეს, რომ შიგნით არაფერი იყო“.
აღსანიშნავია, რომ ამ მომენტისთვის, სუპერ ლიგაში მხოლოდ ორი კლუბი, „ბარსელონა“ და „რეალი“ არიან გაწევრიანებული. სხვათა შორის, სუპერ ლიგის ხელმძღვანელები სპეციალურ პლატფორმას, Unify-ს ქმნიან, რომელზეც ამ ტურნირის ეგიდით გამართული მატჩების ხილვა უფასო იქნება.
შეგახსენებთ, რომ ევროპის სასამართლომ სასამართლომ FIFA და UEFA დამნაშავედ ცნო და გამოიტანა ვერდიქტი, რომლის მიხედვითაც, მსოფლიო და ევროპული ფეხბურთის მმართველმა ორგანოებმა კონკურენციის კანონის საწინააღმდეგოდ იმოქმედეს, როდესაც 2021 წელს ევროპის სუპერ ლიგის ფორმირების იდეა დაბლოკეს და ახალ ტურნირში გაწევრიანებულ გუნდებს სანქციებით დაემუქრნენ. შესაბამისად, ამ გუნდებს შეუძლიათ სუპერ ლიგა ხელახლა შექმნან.
