შენგელიას მაგარი მატჩი | ბასკონიამ ყოფილი კალათბურთელი ვერ გააჩერა
თორნიკე შენგელიას „ვირტუს ბოლონიამ“ ევროლიგის ეგიდით ზედიზედ მესამედ მოიგო. იტალიური კლუბი ქართველი კალათბურთელის ყოფილ გუნდს, „ბასკონიას“ სტუმრად დაუპირისპირდა და დამაჯერებლად იმარჯვა - 91:81.
„ვირტუს ბოლონიამ“ მატჩი კარგად დაიწყო და პირველი მეოთხედი 24:15 მოიგო. „ბასკონია“ მეორე პერიოდში ბრწყინვალე იყო და მეტოქეზე 10-ით მეტი ქულა ჩააგდო - 28:18, რის წყალობითაც, დიდ შესვენებაზე 1-ქულიანი უპირატესობით გავიდა. იტალიელებმა თამაშში გარდატეხა მეორე ტაიმში შეიტანეს და 49 ქულა ჩააგდეს, რაც გასამარჯვებლად საკმარისი აღმოჩნდა.
.@VirtusSegafredo get the dub in Spain tonight!
— Turkish Airlines EuroLeague (@EuroLeague) December 14, 2023
A big win against a rival in the standings ???? #EveryGameMatters pic.twitter.com/eBEpyUKYwT
შენგელიამ ყოფილი გუნდის წინააღმდეგ შესანიშნავად ითამაშა და 16 ქულა, 6 მოხსნა (3 შეტევაში), 4 შედეგიანი გადაცემა, 1 ჩაჭრა და 1 დაფარება დააგროვა. თორნიკეს სარგებლიანობის კოეფიციენტი 20 გახლდათ და მიუხედავად იმისა, რომ მარკო ბელინელიმ 27 ქულა დააგროვა, ამ სტატისტიკურ კატეგორიაში „თოკომოტივს“ უკეთესი შედეგი ჰქონდა. ქართველმა კალათბურთელმა 10-დან 4 ორქულიანი, 3-დან 1 სამიანი და 5-დან 5 საჯარიმო ჩააგდო.
ცნობისთვის, „ვირტუს ბოლონიას“ ევროლიგის ეგიდით 14 მატჩიდან მოგებული 10 აქვს. ქართველი კალათბურთელის გუნდი მე-3 გახლავთ და მომდევნო შეხვედრა იტალიის ჩემპიონატში, „ვენეციას“ წინააღმდეგ ელის.
