FIFA THE BEST: წლის მწვრთნელის ჯილდოზე 3 ფინალისტი ცნობილია
ფიფამ 2023 წლის საუკეთესო მწვრთნელის ჯილდოზე სამი ფინალისტი ნომინანტი გამოაქვეყნა.
საუკეთესო ჯილდოს საბოლოო სიაში მოხვდნენ პეპ გუარდიოლა (მანჩესტერ სიტი), სიმონე ინძაგი (ინტერი) და ლუჩიანო სპალეტი (ნაპოლი/იტალიის ნაკრები).
სამეულში ვერ მოხვდნენ ენჯ პოსტეკოღლუ (სელტიკი/ტოტენჰემი) და ჩავი (ბარსელონა).
2022/23 წლების სეზონში გვარდიოლამ „მანჩესტერ სიტისთან“ ერთად ჩემპიონთა ლიგა, პრემიერ ლიგა და ინგლისის თასი მოიგო.
ინძაგიმ „ინტერთან“ ერთად იტალიის თასი მოიგო და გუნდი ჩემპიონთა ლიგის ფინალში გაიყვანა.
სპალეტიმ „ნაპოლისთან“ ერთად სერია A მოიგო, იტალიის ჩემპიონატის სეზონის საუკეთესო მწვრთნელად აღიარეს და გუნდი ჩემპიონთა ლიგის მეოთხედფინალამდე მიიყვანა, რაც ნეაპოლელთა ისტორიაში პირველად მოხდა.
აქვე გეტყვით, რომ გამარჯვებული 15 იანვარს დაჯილდოების ცერემონიაზე გამოვლინდება.
