ვოლკანოვსკის თანაგუნდელმა ალექსანდრე თოფურია გამოიწვია
UFC-ის ქვემსუბუქი წონითი დივიზიონის ჩემპიონი, ალექსანდრ ვოლკანოვსკი მომდევნო ბრძოლას ილია თოფურიას წინააღმდეგ გამართავს. ავსტრალიელი მებრძოლის თანაგუნდელმა, ჯასტინ ვან ჰერდენმა „ელ მატადორის“ ძმა, ალექსანდრე თოფურია გამოიწვია და მასთან იმავე ღონისძიებაზე, UFC 298-ზე ჩხუბის სურვილი გამოთქვა.
„ვის უნდა, რომ თებერვალში ილია თოფურიას ძმას ვეჩხუბო? ეს უნდა მოხდეს“, - განაცხადა ვან ჰერდენმა „ინსტაგრამის“ საკუთარ გვერდზე გამოქვეყნებულ პოსტში.
საინტერესოა, რომ თანაგუნდელის სიტყვებს ვოლკანოვსკიც გამოეხმაურა. „ვოლკმა“ „ტვიტერზე“ პოსტი გამოაქვეყნა და განაცხადა: „მოდი, ეს ბრძოლა გავმართოთ და გვიყურეთ ძმებ თოფურიებს როგორ დავამარცხებთ. მარტივი ფულია“.
Let’s make it happen. Watch us take out the Topuria brothers…easy money ???? https://t.co/PFZxEDRD9N
— Alex Volkanovski (@alexvolkanovski) December 7, 2023
ცნობისთვის, ვან ჰერდენს კარიერაში 17 ბრძოლა აქვს გამართული. მის ანგარიშზე 12 მოგება და 5 მარცხია.
