„ძლიერი და არაპროგნოზირებადია“ | ბაიერნმა სარაგოსა გაიფორმა
მიუნხენის „ბაიერნმა“ ბრაიან სარაგოსა შეიძინა. „გრანადას“ აწ უკვე ყოფილი ფეხბურთელი „რეკორდმაისტერს“ 2024/25 წლების სეზონიდან შეუერთდება და გერმანულ გრანდთან 5-წლიან ხელშეკრულებას გააფორმებს, რომელიც 2029 წლის 30 ივნისამდე იქნება გათვლილი.
FC Bayern holt Bryan Zaragoza ????⚪
— FC Bayern München (@FCBayern) December 6, 2023
???? https://t.co/3d912hQyCV#MiaSanMia #FCBayern pic.twitter.com/0Dz7x9aWeU
„ბრაიან სარაგოსა ძლიერი, ძალიან სწრაფი და მოქნილი გარემარბია, რომელსაც ორივე ფლანგზე შეუძლია თამაში. ის არაპროგნოზირებადი, სახიფათო და ერთ-ერთზე ძალიან ძლიერია. ესპანეთის ეროვნულ ნაკრებში სადებიუტო შეხვედრა უკვე ჩაატარა და დიდი პოტენციალი აქვს.
ბრაიანი ერთ-ერთი ყველაზე პერსპექტიული ესპანელი ფეხბურთელია და დიდი ხანია, ჩვენს რადარზე იმყოფება. ის ჩვენს შეტევით ვარიანტებს გაზრდის. სარაგოსას გრანადასთან ერთად, მიმდინარე სეზონის დარჩენილ ნაწილში, ყველაფერ საუკეთესოს ვუსურვებთ“, - განაცხადა „ბაიერნის“ სპორტულმა დირექტორმა, კრისტოფ ფროინდმა.
ავტორიტეტული გერმანული გამოცემის, BILD-ის ინფორმაციით, „რეკორდმაისტერი“ „გრანადას“ 13 მილიონ ევროს გადაუხდის, რასაც 2 მილიონი ევროს ოდენობის ბონუსები დაემატება.
