სუარესის ბოლო მატჩი გრემიოში | გოლი და საოცარი გაცილება
ლუის სუარესმა ბრაზილიური კლუბის, „გრემიოს“ მაისურით ბოლო შეხვედრა ჩაატარა. „ელ პისტოლერო“ და კომპანია „ვასკო და გამას“ დაუპირისპირდნენ და სუარესმა თავისი კარიერის მორიგი თავი ფენომენალური ფინიშით დახურა.
GRACIAS, @LuisSuarez9 ???????????? Um capítulo lindo de nossa história foi escrito por ti. O 4º maior artilheiro em atividade do mundo deixou a sua marca 27 vezes com nosso manto. Onde estiver, serás para sempre IMORTAL! ???? pic.twitter.com/gtcy7aLshE
— Grêmio FBPA (@Gremio) December 4, 2023
„გრემიომ“ 1:0 მოიგო და მატჩის ერთადერთი გოლი ურუგვაელი თავდამსხმელის ანგარიშზეა. „ვასკო და გამასთან“ შეხვედრის შემდეგ, იგი თავისუფალი აგენტი გახდა და უცხოური გამოცემების ინფორმაციით, დიდი ალბათობით, კარიერას აშშ-ში, „ინტერ მაიამიში“ გააგრძელებს, რომლის რიგებშიც ლიონელ მესი ასპარეზობს.
მატჩის შემდეგ, „გრემიოს“ გულშემატკივრები „ელ პისტოლეროს“ ფეხზე წამოუდგნენ და აპლოდისმენტებით გააცილეს. სუარესს მოედანზე მისი ოჯახის წევრებიც შეუერთდნენ და გამოსამშვიდობებელ ვიდეოზე მათ ემოციების შეკავება გაუჭირდათ.
სუარესმა „გრემიოს“ მაისურით 52 შეხვედრა ჩაატარა და მეტოქეთა გუნდების კარი 27-ჯერ აიღო. ბრაზილიელთა მთავარი მწვრთნელის, რენატო გაუჩოს თქმით, ურუგვაელი ფეხბურთელის წასვლა უდიდესი დანაკლისი იქნება და „გრემიოს“ მისი სათანადო შემცვლელის პოვნა გაუჭირდება.
