ლინეკერი: „მესი უპირობოდ ყველა დროის საუკეთესო ფეხბურთელია“
ინგლისური ფეხბურთის ლეგენდამ, გარი ლინეკერმა ყველა დროის საუკეთესო ფეხბურთელი დაასახელა. ლინეკერის მიხედვით, ამ საკითხთან დაკავშირებით, კითხვის ნიშნები აღარ არსებობს და პირველ ადგილს ლიონელ მესი იკავებს.
„პირადად მე, მიმაჩნია, რომ არჩევანი ლიონელ მესისა და დიეგო მარადონას შორის უნდა გაკეთდეს. უამრავი შესანიშნავი ფეხბურთელი გვყოლია: კრუიფი, რონალდო, რონალდუ, ზიდანი... ეს სია გრძელია, მაგრამ მათ მაღლა არის ორი ფეხბურთელი, რომელთა სათამაშო სტილი ჩვენთვის, სხვა დანარჩენებისთვის, აბსოლუტურად უცნობია.
ჩემი აზრით, ლიონელ მესი უპირობო GOAT-ია (ყველა დროის საუკეთესო ფეხბურთელი). არიან ადამიანები, რომლებიც მას კრიშტიანუ რონალდუს ადარებენ და აქცენტი გოლების გატანაზე აქვთ, მაგრამ თუ საუბარი ეხება სიხარულსა და სიამოვნებას, რომლებსაც ფეხბურთელის თამაშის ყურებით იღებ, მესის ვერავინ შეედრება“.
შეგახსენებთ, რომ ლიონელ მესი „ინტერ მაიამის“ ღირსებას იცავს და ახლახან, კარიერაში მე-8 „ოქროს ბურთი“ მოიგო. ლინეკერის პოზიციას ცნობილი ბრიტანული ჟურნალი, Four Four Two-ც იზიარებს და აცხადებს, რომ „ლა პულგა“ ყველა დროის საუკეთესოა.
