დოკუ და კვარა | ყველაზე მეტი წარმატებული დრიბლინგი ერთ მატჩში

ცნობილმა სტატისტიკურმა სააგენტომ, Whoscored-მა დაასახელა ფეხბურთელები, რომლებმაც ევროპის ჩემპიონატის საკვალიფიკაციო ეტაპზე, ერთ მატჩში ყველაზე მეტი წარმატებული დრიბლინგი შეასრულეს. საუკეთესოთა შორის საქართველოს ნაკრების შემტევი, ხვიჩა კვარაცხელიაც მოხვდა და „კვარა“ ჟერემი დოკუს ერთადერთი კონკურენტია.

პირველ ადგილს ბელგიის ეროვნული გუნდის გარემარბი იკავებს. „წითელი ეშმაკების“ შემტევმა აზერბაიჯანის ეროვნული გუნდის წინააღმდეგ, საკუთარ კედლებში გამართულ შეხვედრაში 13 წარმატებული დრიბლინგი შეასრულა.

???? Most successful dribbles in a #EURO2024 qualifying match:

???? Jeremy Doku ???? Azerbaijan (H) - 13
???? Jeremy Doku ???? Austria (A) - 11
???? Khvicha Kvaratskhelia ???? Cyprus (A) - 10
???? Jeremy Doku ???? Austria (H) - 9

????‍???? Total domination from the #ManCity winger! pic.twitter.com/0poeVO8YV6

— WhoScored.com (@WhoScored) November 20, 2023

მეორე საუკეთესო მაჩვენებელიც დოკუს ეკუთვნის. „მანჩესტერ სიტის“ ფეხბურთელს ავსტრიასთან (სტუმრად) 11 წარმატებული დრიბლინგი ჰქონდა. „კვარა“ მესამე პოზიციაზეა. ქართველმა გარემარბმა კვიპროსთან გასვლაზე გამართულ მატჩში 10 წარმატებული დრიბლინგი შეასრულა, მის შემდეგ კი ისევ დოკუს ვხედავთ, რომელმაც ავსტრიასთან საშინაო დაპირისპირებაში 9 წარმატებული დრიბლინგი მიითვალა.

ცნობისთვის, ბელგიამ ევროპის ჩემპიონატის საკვალიფიკაციო ეტაპი პირველ ადგილზე დაასრულა და 20 ქულა დააგროვა. „წითელმა ეშმაკებმა“ 8 თამაშიდან 6 მოიგეს, ორი კი ფრედ ითამაშეს.