კვარას გოლი, ბრძოლა და მარცხი - საქართველომ შესარჩევი ესპანეთთან წაგებით დაასრულა
საქართველოს ფეხბურთელთა ნაკრებმა ევროპის ჩემპიონატის საკვალიფიკაციო ეტაპზე ბოლო მატჩი სტუმრად, ესპანეთის ეროვნულ გუნდთან გამართა და სამწუხაროდ ორბურთიანი სხვაობით, 3:1 დამარცხდა.
ვალიადოლიდში გამართული მატჩის პირველი ტაიმი ფრედ, 1:1 დასრულდა. ანგარიში თამაშის დებიუტში, მე-4 წუთზე ლე ნორმანმა გახსნა, რომელმაც ფერან ტორესის საჯარიმო ნიშნულიდან ჩაწოდებულ ბურთს თავი ზუსტად დაუხვედრა.
Beginning of dialog window. Escape will cancel and close the window.
End of dialog window.
საქართველოს ნაკრებმა წონასწორობა ზუსტად მალევე აღადგინა. მე-10 წუთზე, მოედნის ცენტრში ესპანელების შეცდომის შემდეგ სიტუაციაში ზუსტად გიორგი ჩაკვეტაძე გაერკვა, რომელმაც ხვიჩა კვარაცხელია უნაი სიმონთან პირისპირ დატოვა და ამ უკანასკნელსაც გოლის გატანა აღარ გასჭირვებია.
Beginning of dialog window. Escape will cancel and close the window.
End of dialog window.
ესპანელებმა წინ გასვლა მეორე ნახევარში, 55-ე წუთზე შეძლეს. ლუის დე ლა ფუენტეს გუნდის ბრწყინვალე კომბინაცია გოლად ფერან ტორესმა აქცია, ხოსე გაიამ კი საგოლე პასი მიითვალა. საბოლოოდ, ეს ეპიზოდი გარდამტეხი აღმოჩნდა, რადგან საქართველოს ნაკრების ფეხბურთელებმა რეალური საგოლე ეპიზოდის შექმნა ვეღარ შეძლეს.
Beginning of dialog window. Escape will cancel and close the window.
End of dialog window.
გიორგი მამარდაშვილის კარში მესამე გოლი 72-ე ლუკა ლოჩოშვილმა გაიტანა, რომელმაც იამალის მიერ ჩაწოდებული ბურთის მოგერიება სცადა, თუმცა, სამწუხაროდ ბურთი აეჭრა და საბოლოოდ, ავტოგოლი მიითვალა.
Beginning of dialog window. Escape will cancel and close the window.
End of dialog window.
საქართველოს ნაკრებმა შესარჩევი ეტაპის 8 ტურში 2 მატჩი მოიგო, 2 ფრედ დაასრულა და 4-ში დამარცხდა. სანიოლის გუნდმა სატურნირო ცხრილში 8 ქულა დააგროვა და ბოლოსწინა, მე-4 ადგილი დაიკავა. რაც შეეხება ესპანეთს, ლუის დე ლა ფუენტეს გუნდმა 21 ქულით ჯგუფში პირველი ადგილი დაიკავა და მეორეადგილოსან შოტლანდიას 4 ქულით გაუსწრო.
