„ვოლკანოვსკის გულშემატკივარი ვარ, მაგრამ მხარს ილიას ვუჭერ“ - დუ პლესი
UFC-ის საშუალო წონის მებრძოლმა, დრიკუს დუ პლესმა ჯეიმს ლინჩთან ინტერვიუს დროს ილია თოფურიასა და ალექსანდრ ვოლკანოვსკის საჩემპიონო ბრძოლაზე ისაუბრა.
დრიკუს დუ პლესი:
ალექსანდრ ვოლკანოვსკის დიდი გულშემატკივარი ვარ, ის წარმოუდგენელი მებრძოლია. ილია თოფურია ჩემი კარგი მეგობარია. ორგანიზაციაში ჩვენი დებიუტი ერთ ქარდზე შედგა, ერთად ვიბრძოდით და ტიტულისკენ ერთი და იგივე ტრაექტორია გვქონდა. ასე რომ, 100%-ით, ამ ბრძოლაში მხარს ილია თოფურიას დავუჭერ.
ცნობისთვის, სამხრეთ აფრიკელ მებრძოლს MMA-ს ეგიდით 22 ბრძოლა აქვს გამართული და 20 შეხვედრაში შეძლო გამარჯვების მოპოვება. დუ პლესი მომდევნო ბრძოლას საჩემპიონო ქამრისთვის გამართავს. 2024 წლის 21 იანვარს, მისი მეტოქე საშუალო წონის ჩემპიონი, შონ სტრიკლენდი იქნება.
რაც შეეხება თოფურიასა და ვოლკანოვსკის საჩემპიონო ორთაბრძოლას, ქართულ-ავსტრალიური დუელი 2024 წლის 17 თებერვალს გაიმართება.
