„იმაზე ძლიერები დავბრუნდებით, ვიდრე ოდესმე“ - ლობჟანიძემ ატლანტას ფანებს მიმართა
საქართველოს ნაკრების ფეხბურთელმა, საბა ლობჟანიძემ, რომელიც რამდენიმე თვის წინ MLS-ის კლუბ „ატლანტა იუნაიტედში“ გადავიდა, სოციალურ ქსელში ამერიკული კლუბის გულშემატკივრებს მიმართა და მხარდაჭერისთვის მადლობა გადაუხადა.
რას წერს ლობჟანიძე:
სეზონი იმაზე ადრე დასრულდა, ვიდრე გვინდოდა, მაგრამ ჩვენ ყველაფერი გავეცით. ამ დროს გამოვიყენებთ და იმაზე ძლიერები დავბრუნდებით, ვიდრე ოდესმე!
მადლობელი ვარ 17-ანების, ჩემი გუნდისა და სტაფის, რომლებიც დამეხმარნენ მეპოვა სახლი ჩემი სახლისგან შორს! ის მხარდაჭერა, რომელიც Mercedes Benz Arena-ზე მივიღეთ, უზარმაზარი იყო!
კიდევ ერთხელ, მადლობა და შევხვდებით მომავალ სეზონში!
View this post on Instagram
შეგახსენებთ, რომ საბა ლობჟანიძემ „ატლანტა იუნაიტედის“ შემადგენლობაში 12 მატჩი ჩაატარა და თავი 3 გოლითა და 4 საგოლე გადაცემით გამოიჩინა. მისი გუნდი MLS-ის პლეი-ოფის სერიის 1/8 ფინალში გავიდა, თუმცა, სამმატჩიან სერიაში „კოლამბუს ქრიუსთან“ 2:1 დამარცხდა.
