„ეს სიტუაცია ჩვენც არ გვახარებს“ - ჯოვანი დი ლორენცო
„ნაპოლის“ გარშემო შექმნილ მდგომარეობაზე გუნდის კაპიტანმა, ჯოვანი დი ლორენცომ ისაუბრა. იტალიის ნაკრების შეკრებაზე, დი ლორენცოს ჟურნალისტებმა რუდი გარსიაზე ჰკითხეს, რაზეც კაპიტანმა ასე უპასუხა.
ჯოვანი დი ლორენცო:
მე არ შემიძლია ჩვენს სიტუაციაზე რაიმე კომენტარის გაკეთება. ერთი შემიძლია გითხრათ, რომ ეს განსაკუთრებული სიტუაციაა, რომელიც არ გვახარებს და ყველაფერს გავაკეთებთ, რომ რაც შეიძლება მალე გამოვასწოროთ. სხვას ვერაფერს გეტყვით.
შეგახსენებთ, რომ სერია A-ს ბოლო ტურში, „ემპოლისთან“ 0:1 მარცხის შემდეგ, იტალიური მედია აქტიურად საუბრობს, რომ „ნაპოლის“ პრეზიდენტმა, აურელიო დე ლაურენტისმა გუნდის მთავარი მწვრთნელი, რუდი გარსია დაკავებული პოსტიდან გაათავისუფლა და მის შემცვლელად იგორ ტუდორი მოჰყავს.
