ნაპოლი რუდი გარსიასთან დაკავშირებით ოფიციალურ განცხადებას ავრცელებს
„ნაპოლიმ“ საკუთარ ვებ-გვერდზე ოფიციალური განცხადება გამოაქვეყნა, რომელშიც რუდი გარსიას გარშემო იტალიური მედიის მიერ გავრცელებული ინფორმაცია უარყო.
რა წერია განცხადებაში:
გვსურს გამოვეხმაუროთ სტატიას, რომელიც დღეს გაზეთ Corriere dello Sport-მა გავრცელდა, შემდეგ კი ეს ინფორმაცია ამავე გაზეთის ვებგვერდზე და რამდენიმე იტალიური სააგენტოს საიტზე დაიწერა. გვსურს განვაცხადოთ, რუდი გარსიას მიერ ვარჯიშის დატოვება და შტაბ-ბინაში დაბრუნების შესახებ გავრცელებული ინფორმაცია სიმართლეს არ შეესაბამება. მწვრთნელმა მთელი სავარჯიშო სეანსი მოედნიდან შეუფერხებლად წარმართა.
???? Comunicato SSC Napolihttps://t.co/RIH1FD9nJ5
— Official SSC Napoli (@sscnapoli) November 6, 2023
ცნობისთვის, იტალიური მედია წერდა, რომ „ნაპოლის“ მთავარმა მწვრთნელმა გუნდის დღევანდელი ვარჯიში ძლიერი წვიმის გამო ნაადრევად დატოვა და ის ახლომდებარე კლუბის შტაბ-ბინაში წავიდა.
შეგახსენებთ, რომ „ნაპოლი“ უახლოეს შეხვედრას 8 ნოემბერს, ჩემპიონთა ლიგაზე გამართავს. ჯგუფური ეტაპის მე-4 ტურში, ხვიჩა კვარაცხელიას გუნდის მეტოქე „უნიონ ბერლინი“ იქნება.
