ბასილაშვილი საქართველოს პირველი ჩოგანი აღარ არის
ნიკოლოზ ბასილაშვილისთვის კარიერაში ალბათ ყველაზე ცუდი პერიოდი დგას. ოფიციალური მონაცემებით, ის საქართველოს პირველი ჩოგანი აღარ არის. მისი ადგილი 22 წლის საბა ფურცელაძემ დაიკავა.
ამ მომენტისთვის, ნიკოლოზი ATP რეიტინგში 58 ქულით 590-ე ადგილს იკავებს და დიდი ალბათობით მალე ATP რეიტინგში საერთოდ აღარ იქნება.
რაც შეეხება ფურცელაძეს, მას 87 ქულა აქვს და ოფიციალურად ის მსოფლიოს 472-ე ჩოგანია. ამ შედეგით კი საქართველოში ნომერ პირველია.
შეგახსენებთ, რომ უკანასკნელად ბასილაშვილმა ბერგამოს საერთაშორისო ტურნირის საკვალიფიკაციო ეტაპზე ითამაშა, სადაც ბრიტანელ ჰარისთან ორ სეტში უშანსოდ დამარცხდა
