„მსაჯი შეცვალეთ“ | რონალდუს ჟესტი და რეაქცია ქომაგთა შეძახილებზე
საუდის არაბეთის მეფის თასის მერვედფინალში, კრიშტიანუ რონალდუს „ალ-ნასრი“ ჯორდან ჰენდერსონისა და ჟორჟინიო ვეინალდუმის „ალ-ეტიფაქს“ დაუპირისპირდა. პორტუგალიელი სუპერვარსკვლავის გუნდმა დამატებით დროში, სადიო მანეს გოლით იმარჯვა და რონალდუს ქმედებებმა საყოველთაო ყურადღება მიიპყრო.
პირველი ტაიმის დამატებულ დროში, „ალ-ნასრის“ გოლი თამაშგარე მდგომარეობის გამო გააუქმეს და რონალდუმ საკუთარი ჟესტით ამ გადაწყვეტილების მიმღები მსაჯის შეცვლის სურვილი გამოხატა. რამდენიმე წუთის შემდეგ, მთავარმა არბიტრმა, პიერო მასამ „ალ-ნასრის“ ფეხბურთელს, ანდერსონ ტალისკას წითელი ბარათი უჩვენა და კრიშტიანუ ამან კიდევ უფრო განარისხა.
When you Can't Perform.. just ask for a New Referee (Ft. Cristiano Ronaldo) ????pic.twitter.com/JVgWBzJZyP
— ACE (@FCB_ACEE) October 31, 2023
საფეხბურთო სამყაროს ყურადღების ცენტრში აღნიშნული მატჩის კიდევ ერთი ეპიზოდი მოექცა. ერთ-ერთ მომენტში, „ალ-ეტიფაქის“ გულშემატკივრები ლიონელ მესის სახელსა და გვარს სკანდირებდნენ. რონალდუმ მათ გაჩუმებისკენ და დაწყნარებისკენ მოუწოდა.
Ronaldo's response to Al-Ettifaq fans chanting 'Messi, Messi, Messi:' pic.twitter.com/e5A4W2yvod
— B/R Football (@brfootball) October 31, 2023
ცნობისთვის, „ალ-ნასრი“ საუდის არაბეთის ჩემპიონატის სატურნირო ცხრილის მეორე ადგილს იკავებს და უმაღლესი სინჯის მედლებისთვის იბრძვის. რონალდუს გუნდს 25 ქულა აქვს და ლიდერ „ალ-ჰილალს“ 4 ქულით ჩამორჩება.
