ოქროს ბურთის საბოლოო რეიტინგი | რომელ ადგილზე გაიყვანა GOAL-მა კვარა

დღეს, საფრანგეთის დედაქალაქ პარიზში „ოქროს ბურთის" დაჯილდოება გაიმართება და პრესტიჟული ჯილდოს მფლობელის ვინაობა გაირკვევა. უდიდესი ალბათობით, France Football-ის რჩეული ლიონელ მესი გახდება, რომელიც კარიერაში მერვე „ოქროს ბურთს“ დაისაკუთრებს.

როგორც მოგეხსენებათ, ცნობილი სპორტული გამოცემა, GOAL-ი „ოქროს ბურთის“ მოგების კანდიდატთა რეიტინგს მთელი სეზონის განმავლობაში აქვეყნებდა და რამდენიმე საათის წინ, საბოლოო ვერსია შემოგვთავაზა. ფეხბურთის ქართველი გულშემატკივრებისთვის ხვიჩა კვარაცხელიას პოზიციაა საინტერესო, რომელიც ოდესღაც ტოპ 10-შიც იმყოფებოდა.

GOAL-ის საბოლოო რეიტინგში, „კვარა“ მე-14 ადგილს იკავებს. იგი ლაუტარო მარტინესს, ბუკაიო საკას, ემილიანო მარტინესს, მარტინ ოდეგორს, მოჰამედ სალაჰსა და ჯამალ მუსიალას უსწრებს. მასზე წინ კარიმ ბენზემა, ბერნარდუ სილვა, ჯუდ ბელინგემი, რობერტ ლევანდოვსკი, ხულიან ალვარესი, ვიქტორ ოსიმენი, ილქაი გიუნდოგანი, როდრი, კევინ დე ბრუინი, ვინისიუს ჟუნიორი, კილიან მბაპე, ერლინგ ჰოლანდი და ლიონელ მესი იმყოფებიან.

შეგახსენებთ, რომ სერია A-ს მიმდინარე სეზონში, კვარაცხელიას 3 გოლი და ამდენივე შედეგიანი გადაცემა აქვს გაფორმებული, ჩემპიონთა ლიგაზე კი თავი ერთი ასისტით გამოიჩინა.