ცუდი ამბავი: კოლუმბიაში ლუის დიასის მშობლები გაიტაცეს
„ლივერპულის’’ ფეხბურთელის, ლუის დიასის მშობლები კოლუმბიაში გაიტაცეს, ფაქტი რამდენიმე საათის წინ მოხდა. კოლუმბიის პრეზიდენტის, გუსტავო პეტროს განცხადებით, ფეხბურთელის დედა სილენის მარულანდა უკვე გათავისუფლებულია, ამჟამად სამართალდამცავები ფეხბურთელის მამას ეძებენ. მისი გათავისუფლების ოპერაცია ბარანკასში, ლა-გუახირის პროვინციაში მიმდინარეობს.
ოფიციალური მონაცემებით, ფეხბურთელის მშობლები მაშინ გაიტაცეს, როცა ავტომობილით სახლში ბრუნდებოდნენ. მათ თავს შეიარაღებული პირები დაესხნენ და მანქანის გაჩერება მოსთხოვეს.
კოლუმბიის ფეხბურთის ფედერაცია მომხდარი ფაქტით დამწუხრებულია და სამართალდამცავების მხრიდან სწრაფ რეაგირებას ელის. ამ ეტაპზე ფეხბურთელს კომენტარი არ გაუკეთებია.
მდგომარეობა ბარანკასში ლუის დიასის მშობლების გატაცების შემდეგ
Este es el ambiente que se vive en la casa de Luis Díaz en Barrancas, La Guajira. Autoridades hacen presencia luego de que secuestraran a sus padres. La madre del jugador fue rescatada #VocesySonidos pic.twitter.com/NkbmLIAwnL
— BluRadio Colombia (@BluRadioCo) October 28, 2023
26 წლის ლუის დიასი სამშობლოში „ბარანკილიასა’’ (2016-17) და „ატლეტიკო ჟუნიორში’’ (2017-19) თამაშობდა, 2019 წელს „პორტუს’’ ფეხბურთელი გახდა, 2022 წლის ზაფხულში „ლივერპულმა’’ 45 მილიონ ევროდ გამოისყიდა (პლუს 15 მილიონი ევრო ბონუსების სახით).
2018 წლიდან მოყოლებული ლუის დიასმა კოლუმბიის ეროვნულ ნაკრებში 43 მატჩში 9 გოლი შეაგდო.
