არიგო საკი: არ მომეწონა სივრცე სათამაშო ზონებსა და ხაზებს შორის, რომელსაც ნაპოლი ტოვებს

ლეგენდარულმა იტალიელმა სპეციალისტმა არიგო საკიმ, „ნაპოლისა“ და „მილანის“ მატჩის წინ, გუნდების მდგომარეობაზე ისაუბრა.

„ინტერი და იუვენტუსი ამჟამად უკეთეს ფორმაშია და ისინი ნაპოლისა და მილანზე წინ არიან.

რუდი გარსიას დრო უნდა მივცეთ, ის ახალი მწვრთნელია. მან მოთამაშეები უნდა აიძულოს, რომ თავიანთი შესაძლებლობები გამოავლინონ, რათა სკუდეტო დაიცვან. მოთმინებაა საჭირო.

ჩვენ ვსაუბრობთ ფეხბურთზე, თამაშზე, რომელიც ასე ძვირფასი იყო ბერლუსკონისთვის. ის ამბობდა: მოიგე, დაარწმუნე, გაერთე. კარგად თამაში არ არის ფორმა, ეს არ არის დეტალი. კარგად თამაში არის პირველი ნაბიჯი გამარჯვებისა და კონკურენტუნარიანობისკენ, რათა ამ მდგომარეობაში დიდი ხნით დარჩე.

ნაპოლის ბოლო მატჩი ბერლინში ნახეთ? დიახ, მათ მოიგეს, მაგრამ შოუ არ მოუწყვიათ. არ მომეწონა მატჩისას დატოვებული სივრცე სათამაშო ზონებსა და ხაზებს შორის. მოგება გეხმარება, რომ გაიმარჯვო, მაგრამ მოგება ყოველთვის კარგი არ არის, თუ ამას შეჩვეული არ ხარ. მე ვხედავ მოთამაშეებს, რომლებიც ცოტათი მოწყენილები არიან. ზოგიერთ მათგანს შესაძლოა ჰგონია, რომ მათი სათამაშო დონე დაეცა. ლობოტკას ვეღარ ვცნობ. ის ადრე ყველგან დომინირებდა და ბურთს არ კარგავდა. ახლა სხვა მოთამაშეა. ყველა ვინც ჩემთან ერთად არ დარბის, არ თამაშობს. ეს ყველასთვის მოქმედებს. მე, რომ მწვრთნელი ვიყო, ამას ახლაც გავაკეთებდი. ეს მილანის ზოგიერთ მოთამაშესაც ეხება.

მაგალითად ვის? გასულ წელს ლეაომ ნაპოლისთან მატჩებში სხვაობა შექმნა. მაგრამ ლეაო არის ლეაო, თუ ის დარბის, თუ დრიბლინგს აკეთებს. თუ არ გაიქცევა, მას არ ვათამაშებ. ხანდახან ფეხბურთელებს მძიმე მუშტი სჭირდებათ“.

- განაცხადა საკიმ.

შეგახსენებთ, რომ „ნაპოლისა“ და „მილანის“ მატჩი კვირას (23:45) „დიეგო მარადონაზე“გაიმართება.