„კვარაცხელია ოსიმენზე გადამწყვეტი ფეხბურთელია“ - იტალიელი ჟურნალისტი

იტალიური Sport Mediaset-ის ჟურნალისტი სანდრო საბატინი „ნაპოლის“ შესახებ საუბრობს და კვარაცხელიას გუნდში ყველაზე გადამწყვეტ მოთამაშედ ასახელებს.

„ეს მონაკვეთი შესაძლოა ნაპოლისთვის გარდამტეხი იყოს. მართალი გითხრათ, ნაპოლის თამაშს ასე ცუდად არ მივიჩნევ, როგორც სხვები ამბობენ. დიახ, ეს არ არის გასული სეზონი ნაპოლი, რომელიც აღმავლობას განიცდიდა. თუმცა, ვერონასთან მატჩში თუნდაც გასული სეზონის კვარაცხელიას ვერსია ვიხილე.

შეიძლება ბევრი ვისაუბროთ გუნდის მხრიდან ნაკლებად აგრესიულ თამაშზე. გარსიასა და სპალეტის შედარებებზე, მაგრამ როცა გუნდში არის ფეხბურთელი, რომელიც კაცს ატყუებს, გოლი გააქვს და საგოლე პასებს არიგებს... კვარა განსხვავებას ქმნის.

მე მაქვს განცდა, რომ ხვიჩა კვარაცხელია ოსიმენზე უფრო მეტად გადამწყვეტი მოთამაშეა“.

შეგახსენებთ, რომ ოსიმენი „ნაპოლის“ ტრავმის გამო დაახლოებით 1 თვით დააკლდება. ნეაპოლელები კვირას (23:45) „დიეგო მარადონაზე“ „მილანს“ უმასპინძლებენ.