19-წლამდე გოგონათა ნაკრები ბულგარეთში შესარჩევი ციკლის მატჩებს გამართავს

საქართველოს 19-წლამდე გოგონათა ნაკრები ევროპის ჩემპიონატის საკვალიფიკაციო ეტაპის პირველი რაუნდის მატჩებისთვის ემზადება. ლავრენტი დავითაშვილის გუნდი ბულგარეთში გაემგზავრა, სადაც ხორვატიის, ბულგარეთის და ლატვიის ასაკობრივ ნაკრებებს დაუპირისპირდება.

მატჩები 25, 28 და 31 ოქტომბერს გაიმართება. 19-წლამდე გოგონათა ნაკრებმა მოსამზადებელი ეტაპი 17-დან 23 ოქტომბრის ჩათვლით რუსთავის სანაკრებო ცენტრში გაიარა.

A ლიგაში, B ლიგიდან ჯგუფების გამარჯვებულები და ერთი საუკეთესო მეორეადგილოსანი დაწინაურდება.

19-წლამდე გოგონათა ნაკრების შემადგენლობა

მეკარეები: მარიამ ჭრიკიშვილი (სამეგრელო, ჩხოროწყუ), სალომე ხაჭაპურიძე (ნორჩი დინამო, თბილისი),

მცველები: თამუნა ლონდარიძე (ნორჩი დინამო, თბილისი), ანა პავლიაშვილი (სამეგრელო, ჩხოროწყუ), ლიზი გოგალაძე (კვარტალი, თბილისი), ლიზი კანკია (კვარტალი, თბილისი), ნათია ცეცხლაძე (ბათუმი)

ნახევარმცველები: ელენე ენჯიბაძე (სამეგრელო, ჩხოროწყუ), მარიამ ოლქიაშვილი (ნორჩი დინამო, თბილისი), ანა საგირაშვილი (ნორჩი დინამო, თბილისი), მარიამ მამფორია (კვრატალი, თბილისი), ნინი ბერიძე (კვარტალი, თბილისი), ნატა კვირკვაია (კოლხეთი, ხობი), ლიზი ცაავა, ნათია ჯოჯუა (სამეგრელო, ჩხოროწყუ), შორენა ჯანეზაშვილი (ელიტა, თბილისი)

თავდამსხმელები: ელენე ჩიქოვანი (სამეგრელო, ჩხოროწყუ), სესილი ყოლბაია (კოლხეთი, ხობი)

ლავრენტი დავითაშვილი