Mercedes G-Class-ი აჩუქა | ჩიმაევმა კადიროვს პალესტინაში საბრძოლველად გაშვება სთხოვა
UFC 294-ის თანამთავარი მოვლენა კამარუ უსმანისა და ხამზატ ჩიმაევის დაპირისპირება გახლდათ. „ბორზმა“ მსაჯების გადაწყვეტილებით მოიგო და გამარჯვების შემდეგ, ჩეჩნეთის რესპუბლიკის მეთაურისგან, რამზან კადიროვისგან საჩუქარი მიიღო.
ჩიმაევმა სოციალურ ქსელებში ფოტო გაავრცელა და საკუთარ გამომწერებს აუწყა, რომ კადიროვმა საჩუქრად ძვირადღირებული ავტომობილი, Mercedes G-Class-ი გადასცა. საინტერესოა, რომ უსმანთან ჩხუბამდე ხამზატმა თქვა, რომ კადიროვმა მას Mercedes-ის მარკის სამი ავტომობილი უკვე აჩუქა.
Le soir de son combat, Khamzat Chimaev a été accueilli en Tchétchénie par Ramzan Kadyrov qui lui a offert une Mercedes class G pour sa victoire ! pic.twitter.com/wBqh2jb4K7
— La Sueur (@LaSueur_off) October 22, 2023
სხვათა შორის, „ნიგერიელ კოშმართან“ მოგებული ბრძოლის შემდეგ, ჩიმაევმა განცხადება გააკეთა, რომელსაც დიდი გამოხმაურება მოჰყვა. „ბორზმა“ კადიროვს ჩეჩნურ ენაზე მიმართა და პალესტინაში საბრძოლველად წასვლის უფლება სთხოვა.
„ფადიშახ, ჩვენო ეროვნულო ლიდერო, დაე, ალაჰი იყოს თქვენით კმაყოფილი. თქვენი მხარდაჭერის წყალობით, ოქტაგონზე ბრძოლა პრობლემა არ არის და თუ მომცემთ უფლებას, ვფიცავ, პირველი ვიქნები, ვინც პალესტინაში წავა. გთხოვთ, მომეცით იარაღი, რომ პალესტინაში საბრძოლველად წავიდე. ჩემს სიკვდილს ისე არ განვიცდი, როგორც ჩემი მუსლიმი ძმებისა და დების სიკვდილს“.
აღსანიშნავია ისიც, რომ კადიროვი აბუ დაბიში იმყოფებოდა და უსმანთან ჩხუბის შემდეგ, ჩიმაევს შეხვდა. კადიროვმა „ბორზი“ თვითმფრინავით ჩეჩნეთში ჩაიყვანა და საზეიმო დახვედრაც მოუწყო.
Khamzat Chimaev shares today a video with a reaction of Ramzan Kadyrov who watch his fight in #UFC294
— Bruno Massami (Бруно Массами) (@BrMassami) October 22, 2023
In the stuff, Kadyrov use the sentence "Allahu Akbar" and "Akhmat Sila", this second one to support his personal army who are in Ukraine working with Russian Army. pic.twitter.com/lrts3RGnKZ
