„გაუგებარია, რას ერჩის მიქაუტაძეს?“ - აიაქსის ფანები სტეინს დაუპირისპირდნენ
ნიდერლანდების ჩემპიონატის მორიგ ტურში, ამსტერდამის „აიაქსი“ სტუმრად „უტრეხტს“ დაუპირისპირდა და 7-გოლიან ტრილერში 4:3 დამარცხდა.
ამსტერდამელთა მთავარმა მწვრთნელმა, მორის სტეინმა გიორგი მიქაუტაძეს კვლავ მცირე სათამაშო დრო მისცა. ქართველი ფეხბურთელი მოედანზე 90-ე წუთზე გამოჩნდა და მსაჯის მიერ კომპენსირებული 8 წუთი ითამაშა, თუმცა, შედეგიანი მოქმედება არ ჰქონია.
სტეინის გადაწყვეტილებას უკმაყოფილება მოჰყვა ნიდერლანდელი და არამხოლოდ ნიდერლანდელი გულშემატკივრების მხრიდან. სოციალურ ქსელ Twitter/X-ზე სასტარტო შემადგენლობის გამოცხადების შემდეგ, მთელი მსოფლიოს მასშტაბით გულშემატკივრებმა „აიაქსის“ მწვრთნელი გააკრიტიკეს და გიორგი მიქაუტაძეს მხარი დაუჭირეს.
რას წერენ ფანები:
Spoon0612: მიქაუტაძე ისევ სათადარიგოთა სკამზე დატოვა და სასტარტოში ისევ ჰლაინსონი დააყენა, რომელსაც ღირებული ჯერჯერობით არაფერი გაუკეთებია. გაუშვით სტეინი!
Mikautadze weer op de bank, wederom word er gekozen voor Hlynsson die nog weinig heeft laten zien. #utraja #steijnout
— Jeroen Spaan (@Spoon0612) October 22, 2023
Pilli80: როგორ არ იყენებს სტეინი მიქაუტაძის ბაზას. ეს ნამდვილად მაოცებს.
Hoe mikautadze nog geen basis heeft gestaan verbaasd me zo erg
— m (@Pilli80) October 22, 2023
Veloceleclerc: არა, სერიოზულად. რა აქვს მიქაუტაძის საწინააღმდეგო?
no seriously what has he got against Mikautadze??? https://t.co/OpTEmZk59L
— ???????????????????? ???????? (@veloceleclerc) October 22, 2023
IsaacYoussouf: სირცხვილია გიორგი მიქაუტაძის თადარიგში დატოვება, მით უმეტეს ამ მომენტში.
It's a shame to put Georges Mikautadze on the bench, especially at the moment!
— Zaki ???????? (@IsaacYoussouf) October 22, 2023
Vetustioribus: ჰლაინსონი მიქაუტაძის ნაცვლად? ასეთი რა გააკეთა იმ ბიჭმა?
Hlynsson ipv Mikautadze? Wat heeft die jongen misdaan? #utraja pic.twitter.com/Mxfgceq6Au
— Albert Treur Jr. (@Vetustioribus) October 22, 2023
Educatemasterx: სად არის მიქაუტაძე? ძალიან დავიღალე ამ მწვრთნელით. ასეთ „აიაქსში“, ასეთ სიტუაციაში ლიდერები საერთოდ როგორ არიან?
Where is Mikautadze?? So tired of this coach, how are the leaders in Ajax so passive about this situation?
— Itsallfooty (@educatemasterx) October 22, 2023
band_erratas: მიყვარს, როდესაც მიქაუტაძე საერთაშორისო შესვენებაზე 5 გოლს იტანს, მაგრამ „აიაქსში“ სასტარტოდან კვლავ ვერ იწყებს.
love how mikautadze literally scores 5 over the international break but still won't start at ajax
— roconnor1994 (@band_erratas) October 22, 2023
ცნობისთვის, ამსტერდამის „აიაქსმა“ ერედივიზიონში ბოლო 4 შეხვედრა დათმო და ახლა, 5 ქულით სატურნირო ცხრილში ბოლოსწინა, მე-17 ადგილზე იმყოფება. გიორგი მიქაუტაძის გუნდს 7 შეხვედრიდან 1 მოგება, 2 ფრე და 4 წაგება აქვს. ამსტერდამელები მომდევნო მატჩს უეფას ევროპა ლიგაზე, სტუმრად „ბრაიტონთან“ გამართავენ. შეხვედრა 26 ოქტომბერს, საქართველოს დროით 23:00 საათზე ჩატარდება.
