გუარდიოლა: დე ძერბი სიტიში? მას ნებისმიერი გუნდის გაწვრთნა შეუძლია
პეპ გარდიოლას სჯერა, რომ რობერტო დე ძერბის „მანჩესტერ სიტიში“ მისი შეცვლა შეუძლია.
21 ოქტომბერს, პრემიერ ლიგის მე-9 ტურში „მანჩესტერ სიტი“ „ბრაიტონს“ უმასპინძლებს. ადრე გავრცელდა ინფორმაცია, რომ გუარდიოლა აღფრთოვანებულია დე ზერბის მუშაობით.
პეპმა „ბრაიტონის“ მოთამაშეებს მაისში უთხრა: „ეს არის სიტის შემდეგი მწვრთნელი“.
„გინდა გამათავისუფლოთ? არ მახსოვს, თუ ეს ვთქვი, ალბათ ცუდი მეხსიერება მაქვს. დარწმუნებული ვარ რობერტოს ნებისმიერი გუნდის მწვრთნელობა შეუძლია. ეჭვი არ მეპარება. მას შეუძლია ბრაიტონი და მსოფლიოს ნებისმიერი გუნდი გაწვრთნას.
ოთხი დივიზიონის გავლის შემდეგ, ბარსელონას მთავარ მწვრთნელად დამნიშნეს, გამოცდილების გარეშე. არ არის აუცილებელი იყო ტოპ კლუბში, რომ შეძლო ტოპ კლუბის გაწვრთნა.
სპორტულ დირექტორს აქვს იდეა და ამ იდეის საფუძველზე ქირაობს მწვრთნელს და ფეხბურთელებს. თუ ახლა ასე არ არის, მაშინ ეს პრობლემაა. სიტიმ ეს გააკეთა, ასევე ლივერპულმა იურგენ კლოპთან ერთად ტიტულები მოიგო. შეგიძლია წააგო, მაგრამ იყავი სტაბილური - ეს არის ჩემი რჩევა კლუბებისთვის“.
- თქვენი კონტრაქტი მანჩესტერ სიტისთან 2025 წლამდეა ძალაში. ურჩევთ კლუბს მემკვიდრეს?
„ჩემი საქმე არ არის. თუ ხელმძღვანელობა ჩემს აზრს მკითხავს, გამოვთქვამ. მე არ ვარ სპორტული დირექტორი. ეს არ არის ჩემი პასუხისმგებლობა.
არ ვიცი, რამდენი წელია, ამჟამინდელი იდეით ვთამაშობთ. მე ვიტყოდი, რომ გააგრძელეთ კარგი საქმის კეთება. მაგრამ მე არ ვიღებ გადაწყვეტილებას“,
- განაცხადა პეპმა.
