„სწორედ ამის გამო ავირჩიეთ ნაპოლი“ - ბადრი კვარაცხელია Il Mattino-სთან
საქართველოს ნაკრებისა და „ნაპოლის“ ფეხბურთელის, ხვიჩა კვარაცხელიას მამა, ბადრი კვარაცხელია იტალიურ Il Mattino-ს ის მიზეზი გაუმხილა, თუ რატომ აირჩია ხვიჩამ „ნაპოლიში“ გადასვლა.
რას ამბობს ბადრი კვარაცხელია:
რატომ ავირჩიეთ ნაპოლი? საქართველოში მარადონა ყველას უყვარდა და ახლაც უყვარს. ამის გამო, რომ მეც და ჩემს შვილსაც გვინდოდა, რომ მას დიეგოს მაისური სცმოდა, მის ქალაქში და მისი სახელობის სტადიონზე. ბედნიერი ვარ, რომ ეს ოცნება ასრულდა.
შეგახსენებთ, რომ „ნაპოლიმ“ ხვიჩა კვარაცხელია გასული წლის ზაფხულში, ბათუმის „დინამოდან“ 10 მილიონი ევროს სანაცვლოდ შეიძინა. მიმდინარე სეზონში ხვიჩამ „პარტენოპეის“ მაისურით 7 შეხვედრა ჩაატარა, რომელშიც 1 გოლი გაიტანა და 3 საგოლე გადაცემა შეასრულა, გასულ სეზონში კი თავი 12 გოლითა და 10 შედეგიანი გადაცემით გამოიჩინა, რამაც სეზონის ბოლოს იტალიის სერია A-ს საუკეთესო ფეხბურთელის ჯილდოც მოუტანა.
